ఆధ్యాత్మికతకు ప్రతీక అగ్నిగుండాలు

1. భక్తి, విశ్వాసాలకు ప్రతీకగా నిలిచిన అగ్నిగుండాలు
   

మహాశివరాత్రి వేళ రామప్పలో అగ్నిగుండాలు

దీక్షతో అగ్నిగుండాలపై నడిచిన శివభక్తులు

వెంకటాపూర్, ఫిబ్రవరి17 (విజయక్రాంతి):ప్రపంచ ప్రసిద్ధ శైవక్షేత్రమైన రామ ప్ప దేవాలయంలో మహాశివరాత్రి పర్వదినాన్ని పురస్కరించుకుని అగ్నిగుండాల కా ర్యక్రమం అత్యంత భక్తిశ్రద్ధలతో, ఆధ్యాత్మిక ఉత్సాహంతో నిర్వహించబడింది. శతాబ్దాల చరిత్ర కలిగిన ఈ క్షేత్రంలో ప్రతి సంవత్సరం లాగే ఈసారి కూడా వేలాది మంది భక్తులు తరలివచ్చి స్వామివారిని దర్శించుకుని ప్రత్యేక పూజల్లో పాల్గొన్నారు.

ప్రత్యేక పూజల అనంతరం అగ్నిగుండాలు

మహాశివరాత్రి సందర్భంగా అర్ధరాత్రి మహాభిషేకాలు, రుద్రాభిషేకాలు, లింగార్చన లు ఘనంగా నిర్వహించారు. అనంతరం ఆ లయ ప్రాంగణంలో ప్రత్యేకంగా సిద్ధం చేసిన అగ్నిగుండాలను పురోహితుల మంత్రోచ్చారణల మధ్య ప్రారంభించారు.

అగ్నికుండల్లో ఎర్రగా దహిస్తున్న నిప్పులపై భక్తులు దీక్షతో నడుస్తూ తమ భక్తిని చాటుకున్నారు. శివునిపై అచంచల విశ్వాసంతో, నియమ నిష్ట లతో దీక్షలు చేపట్టిన భక్తులు ఓం నమఃశివా య నినాదాల మధ్య అగ్నిగుండాలపై నడవ డం ప్రత్యేక ఆకర్షణగా నిలిచింది. ఈ కార్యక్రమాన్ని వీక్షించేందుకు పరిసర గ్రామాల నుండి పెద్ద ఎత్తున భక్తులు తరలివచ్చారు.

ఓం నమఃశివాయ నినాదాలతో మార్మోగిన ప్రాంగణం

అగ్నిగుండాల సమయంలో ఆలయ పరిసరాలు ఓం నమఃశివాయ నినాదాలతో మార్మోగాయి. కఠిన నియమాలు పాటిస్తూ ఉపవాస దీక్షలు చేపట్టిన భక్తులు, తమ మొ క్కులు తీర్చుకోవాలని సంకల్పంతో అగ్నిగుండాలపై నడిచారు. కుటుంబ సమేతంగా వ చ్చిన భక్తులు ఈ దృశ్యాన్ని భక్తి భావంతో వీక్షించారు. 

భక్తులకు విస్తృత ఏర్పాట్లు

భక్తుల రద్దీని దృష్టిలో ఉంచుకుని ఆల య ఉత్సవ కమిటీ, స్థానిక అధికారులు వి స్తృత ఏర్పాట్లు చేశారు. తాగునీరు, వైద్య శిబిరాలు, క్యూలైన్లు, లైటింగ్, సౌండ్ సిస్టమ్ వం టి సదుపాయాలు కల్పించారు. ఎలాంటి అ వాంఛనీయ సంఘటనలు చోటుచేసుకోకుండా పోలీస్ బందోబస్తు కూడా ఏర్పాటు చేశారు.

భక్తిరసంతో అలరించిన అగ్నిగుండాలు

రామప్పలో నిర్వహించిన అగ్నిగుండాలు కేవలం ఒక ఆచారం మాత్రమే కాకుండా భ క్తి, విశ్వాసం, ఆధ్యాత్మిక తపస్సుకు ప్రతీకగా నిలిచాయి. మహాశివరాత్రి వేళ రామప్ప క్షేత్రం భక్తిరసంతో నిండిపోగా, అగ్నిగుండా ల కార్యక్రమం ప్రధాన ఆకర్షణగా నిలిచి భ క్తుల హృదయాల్లో చిరస్మరణీయ అనుభూతిని మిగిల్చింది. భక్తి, ఆధ్యాత్మిక ఉత్సా హంతో రామప్పలో జరిగిన అగ్నిగుండాలు భక్తుల మనసుల్లో ఆధ్యాత్మిక ఆనందాన్ని నింపాయి.