న్యూఢిల్లీ: 2026 సంవత్సరంలో తన మొదటి మన్ కీ బాత్ ప్రసంగంలో ప్రధానమంత్రి నరేంద్ర మోదీ నాణ్యమైన తయారీపై మరింత దృష్టి పెట్టాలని పిలుపునిచ్చారు. భారతీయ ఉత్పత్తులు ప్రపంచ స్థాయి శ్రేష్ఠతకు పర్యాయపదంగా మారాలని కోరుతూ, తన జీరో డిఫెక్ట్, జీరో ఎఫెక్ట్ మంత్రాన్ని పునరుద్ఘాటించారు. రాబోయే కేంద్ర బడ్జెట్‌లో భారతదేశం  స్థానిక తయారీ రంగానికి మరింత పదును పెట్టే అవకాశం ఉన్న తరుణంలో ఈ ప్రోత్సాహం లభిస్తోంది. విధాన నిర్ణేతలు దేశీయ ఉత్పత్తి, పోటీ తత్వాన్ని పెంచే లక్ష్యంతో కూడిన ప్రోత్సాహకాలు, సరఫరా-గొలుసు మద్దతు, సంస్కరణలపై దృష్టి సారించే అవకాశం ఉందన్నారు. 

మనం తయారుచేసే ప్రతి దాని నాణ్యతను మెరుగుపరచడానికి సంకల్పించుకుందామని, అది మన వస్త్రాలు, సాంకేతికత, ఎలక్ట్రానిక్స్ లేదా ప్యాకేజింగ్ అయినా సరే. భారతీయ ఉత్పత్తి అనేది అత్యుత్తమ నాణ్యతకు పర్యాయపదంగా మారాలని మోదీ తన ప్రసంగంలో పేర్కొన్నారు. ఆవిష్కరణలు, వ్యవస్థాపకత, యువత చైతన్యం ద్వారా భారతదేశం ప్రపంచంలోనే మూడవ అతిపెద్ద స్టార్టప్ కేంద్రంగా ఆవిర్భవించిందని పేర్కొంటూ, ఆయన భారతదేశపు శక్తివంతమైన స్టార్టప్ పర్యావరణ వ్యవస్థను కూడా ప్రశంసించారు.

2016లో ప్రారంభించిన స్టార్టప్ ఇండియా కార్యక్రమం గురించి ప్రస్తావిస్తూ, భారతీయ స్టార్టప్‌లు ఒక అసాధారణ ప్రయాణాన్ని సాగించాయని ఆయన అన్నారు. తమ సౌకర్యవంతమైన పరిధులను దాటి, విభిన్న రంగాలలో సంస్థలను నిర్మించి విజయం సాధించిన పారిశ్రామికవేత్తలను, ఉద్యోగులను ఆయన ప్రశంసించారు. మీరు ఏ రంగాన్ని చెప్పినా, ఆ రంగంలో ఏదో ఒక భారతీయ స్టార్టప్ పనిచేస్తూనే ఉంటుంది. ఏదో ఒక స్టార్టప్‌తో అనుబంధం ఉన్న లేదా సొంతంగా ఒక స్టార్టప్‌ను ప్రారంభించాలనుకుంటున్న నా యువ మిత్రులందరికీ నేను వందనం చేస్తున్నాను,” అని ఆయన అన్నారు.