గడ్డపోతారంలో ఉచిత వైద్యశిబిరం

పటాన్ చెరు, జూన్ 22 : గడ్డపోతారం మున్సిపాలిటిలోని ప్రభుత్వ పాఠశాల ఆవరణలో ఆదివారం ఉచిత వైద్య శిబిరాన్ని నిర్వహించారు. లీ ఫార్మా పరిశ్రమ సహకారంతో ఏర్పాటు చేసిన ఈ వైద్య శిబిరాన్ని లీ ఫార్మా పరిశ్రమ డైరెక్టర్ కిరణ్ కుమార్ గడ్డపోతారం మాజీ సర్పంచ్ ప్రకాష్ చారితో కలిసి ప్రారంభించారు. లయన్స్ క్లబ్ ఆఫ్ సికింద్రాబాద్ వైద్యులు వైద్య, కంటి పరీక్షలు నిర్వహించి ఉచితంగా కంటి అద్దాలు అందజేశారు.

మున్సిపల్ పరిధిలోని ప్రజలు వైద్య పరీక్షలు చేయించుకున్నారు.  లీఫార్మా పరిశ్రమ డైరెక్టర్ కిరణ్ కుమార్ మాట్లాడుతూ పరిశ్రమ ఆధ్వర్యంలో గ్రామీణ ప్రాంత ప్రజలకు మెరుగైన వైద్య సేవలను అందించేందుకు ఉచిత వైద్య శిబిరాలను నిర్వహిస్తున్నామని తెలిపారు. ఈ కార్యక్రమంలో లీ ఫార్మా పరిశ్రమ ప్రతినిధి చలం, లయన్స్ క్లబ్ ప్రతినిధులు కోమల్ రెడ్డి, ప్రకాష్, నరేంద్రబాబు, ఎంఎస్ రెడ్డి, మౌలా అలీ తదితరులుపాల్గొన్నారు.