వివాదాలు రేపి.. వెనక్కి తగ్గి

అనాలోచిత నిర్ణయాలతో ఇబ్బందులు  

ప్రజా వ్యతిరేకత, ప్రతిపక్షాల ఆందోళనలతో మారుతున్న నిర్ణయాలు

హైదరాబాద్, మార్చి 5 (విజయక్రాంతి) : రాష్ట్రంలో అధికారంలోకి వచ్చిన తర్వాత పెద్దఎత్తున మార్పులు చేస్తామని ప్రకటించిన కాంగ్రెస్ ప్రభుత్వం అమలులో మాత్రం తరచూ వెనక్కి తగ్గాల్సి వస్తున్నది. ముందస్తు అధ్యయనం లేకుండా అనాలోచిత నిర్ణయాలపై ప్రజల నుంచి వ్యతిరేకత వస్తుండటంతో ప్రభు త్వం పలుమార్లు తన నిర్ణయాలను రివర్స్ చేయాల్సివస్తోంది.

గత రెండేళ్లలో జరిగిన అనేక ఘటనలు ప్రభుత్వ పరిపాలనపై ప్రశ్నలు లేవనెత్తుతున్నాయి. ప్రభుత్వం తీసుకున్న కొన్ని కీలక నిర్ణయాలు అమలు దశలో తీవ్ర విమర్శలకు గురయ్యాయి. ప్రజలు, ప్రతిపక్షాలు, సామాజికవర్గాల నుంచి నిరసన వ్యక్తమవుతుండటంతో ప్రభుత్వం వెనక్కి తగ్గిన సందర్భాలు వరుసగా చోటుచేసుకున్నాయి. దీంతో పరిపా లనలో స్పష్టత లేకపోవడం, నిర్ణయాల్లో స్థిరత్వం లేకపోవడం కనిపిస్తోందని రాజకీయ విశ్లేషకులు అంటున్నారు.

రాష్ట్రంలో కాంగ్రెస్ ప్రభుత్వానికి రెండేళ్లు పూర్తవుతు న్న నేపథ్యంలో పరిపాలన తీరుపై విస్తృత చర్చ జరుగుతోంది. అభివృద్ధి నిర్ణయాల్లో స్పష్టత లేకపోవడం, ప్రజా వ్యతిరేకత వచ్చినప్పుడు వెనక్కి తగ్గడం వంటి అంశా లు ప్రభుత్వంపై విమర్శలకు కారణమవుతున్నాయి. రాష్ట్ర ప్రభుత్వం నిర్ణయాలు తీసుకునే వేగం కంటే వాటిని వెనక్కి తీసుకునే వేగమే ఎక్కువగా కనిపిస్తున్నదనే విమర్శలు రాజకీయవర్గాల్లో వినిపిస్తున్నా యి. ఇది ప్రభుత్వ పరిపాలన సామర్థ్యంపై ప్రశ్నలు లేవనెత్తుతోంది.

స్థిరత్వం లేకపోవడంపై..

తెలంగాణలో ప్రభుత్వం తీసుకుంటు న్న కొన్ని కీలక నిర్ణయాలు తరచూ మార డం లేదా అమలు దశలో సవరణలు ఎదుర్కొనడం వల్ల.. పరిపాలనలో స్థిరత్వం లేదన్న విమర్శలు పెరుగుతున్నాయి. ముందుగా ఒక విధానాన్ని ప్రకటించి, తరువాత వివాదాలు తలెత్తినప్పుడు దానిని సవరించడం లేదా వెనక్కి తీసుకోవడం జరుగుతున్న పరిణామాలు ప్రభుత్వ నిర్ణయాలపై ప్రశ్నలు లేవనెత్తుతున్నాయి.

పలు సందర్భాల్లో ముందస్తు అధ్యయనం లేకుండా నిర్ణయాలు తీసుకుంటున్నారన్న ఆరోపణలు వినిపిస్తున్నాయి. ప్రజల అభిప్రాయాలు, స్థానిక పరిస్థితులు, సంబంధిత వర్గాల అభ్యంతరాలు వంటి అంశాలను ముందుగానే పరిగణలోకి తీసుకోకపోవడం వల్లే నిర్ణయాలు వివాదాలకు దారితీస్తున్నాయని విశ్లేషకులు అభిప్రాయపడుతున్నారు.

వివాదాలు చెలరేగిన తర్వాత వాటిని సవరించడం పరిపాలనలో తడబాటు ఉన్నట్లు భావన కలిగిస్తోందని రాజకీయ వర్గాలు చెబుతున్నాయి. దీంతో ప్రభుత్వం తీసుకునే కొత్త నిర్ణయాలపైనా ప్రజల్లో కొంత అనిశ్చితి నెలకొంటోందని అంటున్నారు. పాలనలో స్పష్టత, దీర్ఘకాల ప్రణాళిక లేకపోతే ప్రభుత్వంపై విశ్వాసం తగ్గే అవకాశం ఉందని రాజకీయ విశ్లేషకులు హెచ్చరిస్తున్నారు. నిర్ణయాల్లో స్థిరత్వం, పారదర్శకత ఉంటేనే ప్రజల్లో నమ్మకం పెరుగుతుందని వారు సూచిస్తున్నారు.

ప్రజా మెప్పు పొందడంలో..

రాష్ట్రంలో అధికారంలోకి వచ్చిన తర్వాత కాంగ్రెస్ ప్రభుత్వం సంక్షేమ పథకాలు అమలు చేస్తున్నప్పటికీ ప్రజా మెప్పు పొందడంలో మాత్రం పూర్తిస్థాయిలో విజయ వంతం కాలేకపోయిందన్న అభిప్రాయాలు వ్యక్తమవుతున్నాయి. ఎన్నికల సమయంలో ఇచ్చిన హామీలు, అధికారంలోకి వచ్చిన తర్వాత తీసుకున్న కొన్ని నిర్ణయాలు అమలు దశలో వివాదాలకు దారితీయడం వల్ల ప్రజల్లో మిశ్రమ స్పందన కనిపిస్తోంది.

పలు కీలక నిర్ణయాలు ప్రకటించిన తర్వాత వాటిని సవరించడం లేదా వెనక్కి తీసుకోవడం వంటి పరిణామాలు ప్రభుత్వంపై విమర్శలకు కారణమవుతున్నాయి. ప్రజల అభిప్రాయాలు, స్థానిక పరిస్థితులు పూర్తిగా పరిగణలోకి తీసుకోకపోవడం వల్లే ఈ పరిస్థితి ఏర్పడుతోందని రాజకీయ విశ్లేషకులు అంటున్నారు. ఇక కొన్ని సంక్షేమ పథకాల అమలులో కూడా ఆలస్యం లేదా స్పష్టత లేకపోవడం ప్రజల్లో అసంతృప్తికి దారితీస్తోందని చెబుతున్నారు.

ఎన్నికల సమయం లో ఇచ్చిన హామీలను వేగంగా అమలు చేస్తేనే ప్రజల్లో విశ్వాసం పెరుగుతుందని వా రు అభిప్రాయపడుతున్నారు. ప్రభుత్వం తీసుకునే ప్రతి నిర్ణయం ప్రజలకు ప్రత్యక్షంగా ఉపయోగపడేలా ఉండాలని, అమలు విషయంలో స్పష్టత ఉండాలని రాజకీయ వర్గాలు సూచిస్తున్నాయి. 

ప్రతిపక్షాలకు ఆయుధంగా..

రాష్ట్రంలో కాంగ్రెస్ ప్రభుత్వం తీసుకుంటున్న కొన్ని నిర్ణయాలు ప్రతిపక్షాల కు రాజకీయ ఆయుధాలుగా మారుతున్నాయి. విధానాల అమలు దశలో వివాదాలకు దారితీయడం, తర్వాత వాటిని సవరించడం లేదా వెనక్కి తీసుకోవడం జరుగుతున్న పరిణామాలను ప్రతిపక్షాలు తీవ్రంగా ఎత్తిచూపుతున్నాయి. ప్రతి వివాదాస్పద నిర్ణయాన్ని ప్రధాన ప్రతిపక్ష పార్టీలు ప్రజల్లో చర్చకు తీసుకెళ్తున్నాయి. ప్రభుత్వం ప్రజల భావోద్వేగాలు, స్థానిక పరిస్థితులను పరిగణలోకి తీసుకోకుండా నిర్ణయాలు తీసుకుంటోందని ఆరోపిస్తూ ప్రతిప క్షాలు ఆందోళనలు చేపడుతున్నాయి.

దీంతో ప్రభుత్వ నిర్ణయాలు రాజకీయ రంగు పులుముకుంటున్నాయి. హైదరాబాద్ సెంట్రల్ యూనివర్సిటీ భూముల వివాదం, ఖమ్మం జిల్లాలో కూల్చివేతల అంశం, శారదా పీఠం భూముల వ్యవహారం వంటి అంశాల్లో ప్రతిపక్షాలు తీవ్ర నిరసనలు వ్యక్తం చేశాయి. ప్రజా వ్యతిరేకత పెరిగిన తర్వాత ప్రభుత్వం వెనక్కి తగ్గాల్సి రావడం ప్రతిపక్షాలకు మరింత బలం చేకూర్చిందని రాజకీయ విశ్లేషకులు అంటున్నారు.

ఈ పరిస్థితి వల్ల ప్రభుత్వం తీసుకునే ప్రతి నిర్ణయం ప్రతిపక్షాల విమర్శలకు గురయ్యే అవకాశముంది. నిర్ణయాల్లో స్పష్టత, ముం దస్తు ప్రణాళిక లేకపోతే పాలక పక్షానికి రాజకీయంగా నష్టం తప్పదని రాజకీయ వర్గాలు అభిప్రాయపడుతున్నాయి.

రెండేళ్లలో.. 

* హైదరాబాద్ సెంట్రల్ యూనివర్సిటీ పరిసర ప్రాంతాల్లో భూముల వినియోగంపై ప్రభుత్వం తీసుకున్న నిర్ణయం పెద్ద వివాదానికి దారితీసింది. విద్యార్థులు, పర్యావరణ కార్యకర్తలు నిరసనలు తెలపడంతో ప్రభుత్వం వెనక్కి తగ్గాల్సి వచ్చింది.

* ఖమ్మం వెలుగుమట్లలో అభివృద్ధి పేరుతో పేదల ఇళ్లను కూల్చివేయడం స్థానికంగా తీవ్ర నిరసనలకు దారితీసింది. ప్రతిపక్షాలు కూడా తీవ్రంగా విమ ర్శించడంతో ప్రభుత్వం పరిస్థితిని సమీక్షించాల్సి వచ్చింది.

* శారదా పీఠం భూములను జలమండలికి కేటాయించడంపై హిందూ సంస్థలు, భక్తుల నుంచి తీవ్ర వ్యతిరేకత వ్యక్తమవడంతో ప్రభుత్వం తన వైఖరిని మార్చు కోవాల్సి వచ్చింది.

* ధరణి వ్యవస్థను రద్దు చేస్తామని ప్రకటించిన ప్రభుత్వం కొత్త వ్యవస్థపై స్పష్టత ఇవ్వడంలో ఆలస్యం చేయడంతో రైతు లు, భూమి యజమానుల్లో అనిశ్చితి నెలకొంది. ఆ ప్రక్రియ పలుమార్లు వాయిదా పడింది.

* ఎన్నికల హామీగా ప్రకటించిన రుణమాఫీ అమలులో విడతల విధానం తీసుకురావడం వల్ల రైతుల్లో అసంతృప్తి వ్యక్తమైంది. విమర్శలు రావడంతో అమలు విధానంలో మార్పులు చేయాల్సి వచ్చింది.

* రైతు భరోసా పథకం కింద రైతులకు పెట్టుబడి సాయం విషయంలో ప్రారంభంలో ప్రకటించిన విధానం తర్వాత సవరణలు ఎదుర్కొంది.

* ఆర్టీసీ ఆర్థిక పరిస్థితి కారణంగా చార్జీలు పెంచే అంశంపై చర్చ జరిగినా ప్రజా వ్యతిరేకతతో ప్రభుత్వం వెనక్కి తగ్గిన పరిస్థితి ఏర్పడింది.

* అర్హతల పేరుతో పెద్దఎత్తున రేషన్ కార్డులు రద్దు చేస్తారన్న ప్రచారం రావడంతో ప్రజల్లో ఆందోళన పెరిగింది. ప్రభుత్వం వివరణ ఇచ్చి ప్రక్రియను నెమ్మదించింది.

* పేదల ఇళ్ల భూముల సర్వే ప్రక్రియపై పలు ప్రాంతాల్లోని ప్రజల్లో అనుమానాలు వ్యక్తమవడంతో ప్రభుత్వం పునఃసమీక్ష చేపట్టింది.

* పలు విద్యా సంస్థలకు చెందిన భూముల వినియోగంపై వచ్చిన నిర్ణయాలు వివాదాలకు దారితీయడంతో ప్రభుత్వం వెనక్కి తగ్గాల్సి వచ్చిన సందర్భాలు ఉన్నాయి.