హౌస్ కీపింగ్ సూపర్వైజర్ మృతి

పంజాగుట్ట, ఏప్రిల్ 16 (విజయక్రాంతి): నగరంలోని ప్రముఖ పంజాగుట్ట గెలారియా మాల్లోని పీవీఆర్ సినిమాస్‌లో విషా దం చోటుచేసుకుంది. పని ఒత్తిడి, యాజమాన్యం నిర్లక్ష్యం కారణంగా సత్యనారా యణ (40) అనే హౌస్కీపింగ్ సూపర్వైజర్ గుండెపోటుతో మృతి చెందడం స్థానికంగా కలకలం రేపింది.

పురాణాపూల్‌కు చెందిన సత్యనారాయణ గెలారియా మాల్లోని పీవీఆర్ సినిమాస్‌లో హౌస్కీపింగ్ సూపర్వైజర్గా విధులు నిర్వహిస్తున్నారు. మంగళవారం ఆయనకు వారాంతపు సెలవు ఉన్నప్పటికీ యాజమాన్యం ఒత్తిడి చేయడంతో రాత్రి 10 గంటలకు విధులకు హాజరయ్యారు. రాత్రి 2 గంటల సమయంలో ఆయనకు తీవ్రమైన ఛాతినొప్పి రావడంతో ఆ విషయాన్ని యా జమాన్యం దృష్టికి తీసుకెళ్లారు.

అయితే యాజమాన్యం సరిగ్గా స్పందించక పోవడంతో పరిస్థితి విషమించి తెల్లవారు జాము 3:30 గం టల ప్రాంతం లో సత్యనారాయ ణ తన భార్య కల్పనకు ఫోన్ చేసి మాల్ వద్దకు రమ్మనడంతో వెంటనే అక్కడికి చేరుకొని లోపలికి వెళ్లతుండటంతో సెక్యూరిటీ సిబ్బం ది ఆమెను లోపలికి అనుమతించలేదు. ఆ తర్వాత కొద్దిసేపటికే అపస్మారక స్థితిలో ఉన్న సత్యనారాయణను పీవీఆర్ సిబ్బంది అమానవీయంగా గేటు బయట వదిలేశారని, అప్పటికే ఆయన ప్రాణాలు కోల్పోయారని కుటుంబ స భ్యులు ఆరోపిస్తున్నారు. ప్రస్తుతం పోలీసులు ఈ ఘటనపై కేసు నమోదు చేసి దర్యాప్తు చేస్తున్నట్లు తెలిపారు.