న్యూఢిల్లీ: ఉపరాష్ట్రపతి ఎన్నిక(Vice Presidential Election 2025) సెప్టెంబర్ 9న జరుగుతుంది. అదే రోజు కౌంటింగ్ షెడ్యూల్ చేయబడింది. ప్రతిపక్ష కూటమి ఇండియా కూటమి రిటైర్డ్ సుప్రీంకోర్టు న్యాయమూర్తి బి. సుదర్శన్ రెడ్డిని(Justice Sudershan Reddy) బరిలోకి దింపగా, ఎన్డీఏ సీపీ రాధాకృష్ణన్‌ను నామినేట్ చేసింది. ఇద్దరు నాయకులు దక్షిణాదికి చెందినవారు. గౌహతి హైకోర్టు మాజీ ప్రధాన న్యాయమూర్తి, గోవా తొలి లోకాయుక్త అయిన 79 ఏళ్ల రెడ్డి 2007లో సుప్రీంకోర్టుకు నియమితులయ్యారు. ఇండీ కూటమి ఉపరాష్ట్ర అభ్యర్థి నేడు నామినేషన్ వేయనున్నారు. గురువారం ఉదయం 11 గంటలకు నామి నామినేషన్ దాఖలు చేయనున్నారు. నామినేషన్ కు కాంగ్రెస్ చీఫ్ మల్లికార్జున్ ఖర్గే, సోనియా గాంధీ, రాహుల్ గాంధీ, ఇతర కీలక నేతలు హాజరు కానున్నారు. 

ఆగస్టు 20న ప్రధాని మోదీ(Narendra Modi), అమిత్ షా, రాజ్‌నాథ్ సింగ్, జెపి నడ్డా వంటి సీనియర్ బిజెపి నాయకుల సమక్షంలో రాధాకృష్ణన్ నామినేషన్ దాఖలు చేశారు. నామినేషన్ దాఖలు చేయడానికి ముందు, ఆయన పార్లమెంటులోని మహాత్మా గాంధీ విగ్రహానికి పూలమాల వేసి నివాళులర్పించారు. ఆగస్టు 17న జరిగిన బిజెపి పార్లమెంటరీ పార్టీ సమావేశంలో ఆయన అభ్యర్థిత్వాన్ని ఏకగ్రీవంగా ఆమోదించారు. తన పదవీకాలం పూర్తి కావడానికి మూడు సంవత్సరాల ముందు (ఆగస్టు 2027) జూలై 21న జగదీప్ ధన్‎ఖడ్  అకస్మాత్తుగా రాజీనామా చేయడంతో ఉపరాష్ట్రపతి ఎన్నిక అనివార్యమైంది. 

లోక్‌సభలో 293 మంది ఎంపీలు, రాజ్యసభలో 129 మంది ఎంపీలు ఎన్డీఏకి ఆధిక్యంలో ఉండటంతో, పాలక కూటమికి మంచి ఆధిక్యం లభించింది. దీనితో రాధాకృష్ణన్(CP Radhakrishnan) విజయం దాదాపుగా ఖాయం అయింది. ప్రస్తుత 782 మంది సభ్యులున్న ఎలక్టోరల్ కాలేజీలో మెజారిటీకి 391 ఓట్లు అవసరం. 2022లో, ప్రతిపక్ష అభ్యర్థి మార్గరెట్ అల్వా 182 ఓట్లతో పోటీ చేయగా, ఎన్డీఏ అభ్యర్థి జగదీప్ ధంఖర్ 528 ఓట్లు సాధించారు. ఉభయ సభలకు ఎన్నికైన, నామినేట్ చేయబడిన అందరు ఎంపీలతో కూడిన ఎలక్టోరల్ కాలేజీ ద్వారా ఉపరాష్ట్రపతిని ఎన్నుకుంటారు. ఓటింగ్ రహస్య బ్యాలెట్ ద్వారా జరుగుతుంది. ఇక్కడ ఎంపీలు అభ్యర్థులను ప్రాధాన్యత క్రమంలో ర్యాంక్ చేస్తారు.