వనపర్తి టౌన్, నవంబర్ 30 : విద్యా రంగం లో విశిష్ట సేవలు అందించిన వారికి ఇచ్చే శారదా ఎడ్యుకేసినల్ సొసైటీ వారిచే నేషనల్ టీచర్ ఇన్స్పిరేషన్ అవార్డు ఆదివారం బిర్లా కాన్ఫరన్స్ హాల్ బిర్లా ప్లానిటోరియం హైదరాబాద్‌లో వనపర్తి జిల్లా జగత్ పల్లి జిల్లా పరిషత్ ఉన్నత పాఠశాల స్కూల్ అసిస్టెంట్  వి. జ్యోతిర్మయి  అందుకున్నారు. ఈ కార్యక్రమంలో ముఖ్య అతిథిగా పాల్గొన్న హిమాచల్ ప్రదేశ్ గవర్నర్  అవార్డును అందించి ఘనంగా సన్మానించారు.

ఆమె తయారు చేసిన సైన్స్ ప్రాజెక్ట్ జాతీయ స్థాయిలో హర్యానా  రాష్ట్రంలోని పంచకులలో ఎంపిక కావడం పట్ల అభినందనలు తెలిపారు. ఈ సందర్భంగా ఆయన మాట్లాడుతూ విద్యా రంగంలో తను చేసిన కృషి అభినందనీయమని ఇలాంటి ప్రాజెక్టులు ఎన్నో చేసి రాష్ట్రానికి దేశానికి మంచి పేరు తీసుకురావాలని అని సూచించారు. అవార్డు ను హిమాచల్ ప్రదేశ్ గవర్నర్ శ్రీ బండారు దత్తాత్రేయ బిఆర్‌ఎస్ ఎమ్మెల్సీ దాసోజు శ్రవణ్ చేతుల మీదుగా అవార్డు  అందుకోవడంతో జగత్ పల్లి స్కూల్ హెడ్మాస్టర్ మంజుల, ఉపాధ్యాయులు హర్షం వ్యక్తం చేశారు.