ఖానాపూర్, (విజయక్రాంతి): నిర్మల్ జిల్లా ఖానాపూర్ మున్సిపాలిటీ(Khanapur Municipality)లో బుధవారం కురిసిన భారీ వర్షానికి పట్టణంలోని రోడ్లన్నీ జలమయమై మురికినీరు రోడ్లపైకి పొంగి పొరిలి వచ్చిన నేపథ్యంలో గురువారం సిబ్బంది మురికి కాలువల పూడికతీత పనిలో నిమగ్నమయ్యారు. బుధవారం విజయక్రాంతి పత్రికలో ఖానాపూర్ లో భారీ వర్షం.. రోడ్లపైకి పొంగి పొల్లి వచ్చిన మురికి నీరు.. అన్న శీర్షికకు స్పందించి సిబ్బంది గురువారం నుంచి ఈ పూడికతీత పనులు చేపట్టారు. కమిషనర్ జాదవ్ కృష్ణ ఆదేశాల మేరకు సిబ్బంది మానాల శంకర్ ఆధ్వర్యంలో పట్టణంలోని పాత బస్టాండు, కొత్త బస్టాండ్, విద్యానగర్ ,శివాజీ నగర్, పద్మావతి నగర్ ,కాలనీలలో హుటాహుటిన డ్రైనేజీ పూడికతీత పనులు చేపట్టి వర్షపు నీరు రోడ్లపై నిలవకుండా చేశారు .దీంతో స్థానికులు సిబ్బందిని అభినందిస్తున్నారు.