మేడ్చల్ అర్బన్ నవంబర్ 30 (విజయక్రాంతి): దేశంలోనే ప్రతిష్టాత్మక పరిశోధన సంస్థ నేషనల్ ఇన్స్టిట్యూట్ ఆఫ్ న్యూట్రిషన్ (జాతీయ పౌష్టికాహార పరిశోధన సంస్థ) పౌష్టికాహార పరిశోధనలో భాగస్వామ్యాన్ని మెడిసిటీ ఇన్స్టిట్యూట్ ఆఫ్ మెడికల్ సైన్సెస్  ఒప్పందం కుదుర్చుకుంది. ప్రజారోగ్యంలో పరిశోధన సహకారం సామ్రాజ్య నిర్మాణానికై ఐసిఎంఆర్ నేషనల్ ఇన్స్టిట్యూట్ ఆఫ్ న్యూట్రిషన్ హైదరాబాద్ ప్రముఖ వైద్య విద్య సంస్థ మెడిసిటీ ఇనిస్ట్యూట్ ఆఫ్ మెడికల్ సైన్సెస్ వైద్య పరిశోధనలో పేరెన్నిక గలిగిన షేర్ ఇండియా (సొసైటీ ఫర్ హెల్త్ అలైడ్ రీసెర్చ్ అండ్ ఎడ్యుకేషనల్ ఇండియా)మధ్య గతవారం అవగాహన ఒప్పందం చేసుకోవడం జరిగింది.

ఈ నేపథ్యంలో ఒప్పందంపై సంతకాల కార్యక్రమంలో భాగంగా ఐసిఎంఆర్ కు చెందిన ఎన్‌ఐఎన్ తరపు డాక్టర్ భారతి కులకర్ణి డైరెక్టర్ సీనియర్ శాస్త్ర వేత్తలు పాల్గొనగా మెడిసిటీ ఇన్స్టిట్యూట్ ఆఫ్ మెడికల్ సైన్సెస్ తరఫున ప్రొఫెసర్ కె శివరామకృష్ణ ప్రెసిడెంట్ ఎంఐఎంఎస్ తోపాటు డాక్టర్ దేవేంద్ర సింగ్ నేగి,ప్రిన్సిపాల్ డాక్టర్,శైలేంద్ర,వైస్ ప్రిన్సిపాల్,షేర్ ఇండియా పరిశోధన సంస్థ తరఫున డాక్టర్ కే మాధవ,కార్యదర్శి గవర్నమెంట్ కౌన్సిల్ సభ్యులతో పాటు షేర్ ఇండియా పరిశోధన సంస్థ ఆపరేషన్ హెడ్ నితిన్ సి దేశాయి ఫైనాన్స్ హెడ్ లక్ష్మీనరసింహ తదితరులు పాల్గొన్నారు.