జిల్లా కలెక్టర్ కె.హైమావతి

సిద్దిపేట కలెక్టరేట్,నవంబర్:302వ సాధారణ గ్రామపంచాయతీ ఎన్నికలు 2025 లో భాగంగా ఆదివారం మిట్టపల్లి, పొన్నాల క్లస్టర్లలో జరుగుతున్న రెండో విడత నామినేషన్ల స్వీకరణను జిల్లా కలెక్టర్ కె.హైమావతి పరిశీలించారు. మిట్టపల్లి క్లస్టర్లో మిట్టపల్లి, పాండవపురం, మందపల్లి పొన్నాల క్లస్టర్లో పొన్నాల, కిష్టసాగర్, నాంచార్ పల్లి గ్రామాల నామినేషన్లు స్వీకరిస్తున్నట్టు అధికారులు కలెక్టర్కు వివరించారు.

జిల్లాలో మూడు విడతలుగా ఎన్నికలు జరుగు తున్నందున మొదటి దశ నామినేషన్ ప్రక్రియ పూర్తయిందని, రెండో దశలో అక్బర్పేట భూంప ల్లి, తొగుట, మిరుదొడ్డి, దుబ్బాక, సిద్ధిపేట అర్బన్, సిద్ధిపేట రూరల్, నంగునూరు, చిన్నకోడూరు, నారాయణరావుపేట, బెజ్జంకి మండలాల్లో ఈ రోజు నుండి మూడు రోజులపాటు ఉదయం 10.30 నుంచి సాయంత్రం 5 గంటల వరకు 58 క్లస్టర్లలో నామినేషన్లు స్వీకరిస్తున్నట్టు కలెక్టర్ తెలిపారు. నామినీల సౌలభ్యం కోసం ప్రతి క్లస్టర్లో హెల్ప్డెస్క్ ఏర్పాటు చేసినట్టు చెప్పారు.

స్టేజ్-1, స్టేజ్-2 ఆర్వోలు నిర్ధిష్టంగా పరిశీలించిన తర్వాతే నామినీ అభ్యర్థికి స్లిప్ ఇవ్వాలని సూచించారు. క్లస్టర్ పరిసరాల్లో 100 మీటర్లలో నామినీతో పాటు ఇద్దరినే అనుమతించాలని,ఎన్నికల ప్రక్రియను పారదర్శకంగా నిర్వహించాలని ఎన్నికల అధికారులకు సూచించారు.కట్టుదిట్టమైన బందోబస్తు ఏర్పాటు చేయాలని పోలీసు అధికారులకు కలెక్టర్ ఆదేశాలు జారీ చేశారు.

హుస్నాబాద్లో కలెక్టర్ ఆకస్మిక తనిఖీ

హుస్నాబాద్ మండలం జిల్లెళ్ళ గడ్డ గ్రామం వద్ద నేషనల్ హైవే పై ఏర్పాటు చేసిన ఎస్‌ఎస్టిలో శనివారం కలెక్టర్ కె.హైమావతి అకస్మికంగా తనిఖీ నిర్వహించారు. వాహనాల పరిశీలన విధానం, రిజిస్ట్రర్ల నిర్వహణను కలెక్టర్ క్షేత్రస్థాయిలో పరిశీలించారు.ఎన్నికల పూర్తయ్యేంతవరకు 24 గంటలు వాహనాలన్నింటినీ క్షుణ్ణంగా చెక్ చేసి, మొత్తం ప్రక్రియను వీడియోగ్రఫీ చేయాల్సిందిగా సిబ్బందికి ఆదేశాలు జారీ చేశారు. స్టేట్ ఎలక్షన్ కమిషన్ సూచించిన విధంగా రిజిస్ట్రర్లను పారదర్శకంగా నిర్వహించాలని కలెక్టర్ ఆదేశించారు. ఈ సందర్శనలో ఆర్డీవో రామ్మూర్తి, డీఆర్డీవో జయదేవ్ ఆర్య తదితరులు పాల్గొన్నారు.