పెద్దపల్లిలో ఇందిరా గాంధీ జయంతి వేడుకల్లో ఎమ్మెల్యే విజయరమణ రావు

పెద్దపల్లి (విజయక్రాంతి): మొట్టమొదటి మహిళా ప్రధానమంత్రిగా దేశానికి ఇందిరాగాంధీ ఎనలేని సేవలు అందించారని పెద్దపల్లి ఎమ్మెల్యే విజయరమణరావు అన్నారు. బుధవారం పెద్దపల్లి పట్టణ కేంద్రంలో ఇందిరా గాంధీ జయంతి సందర్బంగా ఎమ్మెల్యే ఆమె చిత్రపటానికి పూలమాలలేసి ఘనంగా నివాళులర్పించారు. ఈ సందర్భంగా ఎమ్మెల్యే మాట్లాడుతూ దేశవ్యాప్తంగా ఇల్లు లేని నిరుపేదలకు ఇళ్ల స్థలాలు, పక్కా ఇల్లు నిర్మించి, భూమి లేని నిరుపేదలకు భూములు పంచి నిరుపేదల గుండెల్లో చిరస్థాయిగా ఇందిరమ్మగా నిలిచిపోయిందని, ఆమె సేవలను కొనియాడారు. ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, మాజీ ప్రజాప్రతినిధులు, అభిమానులు తదితరులు పాల్గొన్నారు.