దేవరకొండ: పిఎపల్లి మండల కేంద్రంలో బుధవారం ఎమ్మెల్యే బాలు నాయక్(MLA Balu Naik)  వివిధ కాలనీలో పర్యటించి, గ్రామ ప్రజలకు నేరుగా కలిసి వారి సమస్యలను స్వయంగా అడిగి తెలుసుకొని అక్కడిక్కడే సంబంధిత అధికారులతో మాట్లాడి వారి సమస్యలు పరిష్కారానికి కృషి చేశారు. అనంతరం మండలానికి సంబంధించిన కళ్యాణ లక్ష్మి చెక్కులను లబ్ధిదారులకు పంపిణీ చేశారు. అనంతరం  ఎమ్మెల్యే బాలు నాయక్ మాట్లాడుతూ... ప్రజా సమస్యలు తెలుసుకోవడం, తక్షణ పరిష్కారం చూపడమే లక్ష్యంగా  మార్నింగ్ వాక్ విత్ పీపుల్ కార్యక్రమం నిర్వహిస్తున్నట్లు వారు తెలిపారు. రైతు రుణమాఫీ, రైతు భరోసా, రేషన్ కార్డులు , ఇందిరమ్మ ఇళ్లు, సన్న బియ్యం వంటి సంక్షేమ పథకాలకు ప్రజల్లో మంచి స్పందన వచ్చిందని చెప్పారు. ఈ కార్యక్రమంలో ప్రజాప్రతినిధులు, గ్రామ ప్రజలు, పలు విభాగాల అధికారులు తదితరులు పాల్గొన్నారు.