హైదరాబాద్: ఫోన్ ట్యాపింగ్ కేసును(Phone tapping case) దర్యాప్తు చేస్తున్న ప్రత్యేక దర్యాప్తు బృందం (సిట్) హైదరాబాద్ పోలీస్ కమిషనర్ సజ్జనార్ నాయకత్వంలో తన విచారణను ముమ్మరం చేసింది. ఈ దర్యాప్తులో భాగంగా, సిట్ భారత్ రాష్ట్ర సమితి (బీఆర్ఎస్) ఎమ్మెల్సీ నవీన్ రావుకు(MLC Naveen Rao) నోటీసులు జారీ చేసింది. ఆ నోటీసును అనుసరించి, నవీన్ రావు హైదరాబాద్‌లోని జూబ్లీ హిల్స్ పోలీస్ స్టేషన్‌లో విచారణ నిమిత్తం సిట్ ముందు హాజరయ్యారు. సిట్ ఈ కేసును బహుళ కోణాల్లో పరిశీలిస్తున్నందున దర్యాప్తు కొనసాగుతోంది. పలువురు కీలక బీఆర్ఎస్ నేతలను కూడా సిట్ విచారించే అవకాశముంది.