బీజాపూర్: ఛత్తీస్‌గఢ్‌లోని బీజాపూర్ జిల్లాలో నక్సలైట్లు రోడ్డు కాంట్రాక్టర్‌ను(Road Contractor) హత్య చేసినట్లు పోలీసులు సోమవారం వెల్లడించారు. పామెడ్ పోలీస్ స్టేషన్ పరిధిలోని భద్రతా శిబిరం సమీపంలో ఆదివారం రాత్రి కాంట్రాక్టర్ ఇంతియాజ్ అలీ మృతదేహం లభ్యమైందని ఒక సీనియర్ అధికారి మీడియాతో అన్నారు. ఆ ప్రాంతంలో రోడ్డు నిర్మాణ పనులను అలీకి కేటాయించినట్లు పోలీసులు తెలిపారు. ప్రాథమిక సమాచారం ప్రకారం, ఆదివారం సాయంత్రం మెటాగూడ భద్రతా శిబిరం సమీపంలో మావోయిస్టు మిలీషియా సభ్యుల బృందం అలీని కొట్టి కిడ్నాప్ చేసింది.

అలీ సహాయకుడు భద్రతా శిబిరానికి చేరుకుని సంఘటన గురించి పోలీసులకు సమాచారం అందించాడు. ఆ తర్వాత ఆ ప్రాంతంలో గాలింపు చర్యలు చేపట్టారు. తరువాత, అతని మృతదేహాన్ని భద్రతా సిబ్బంది స్వాధీనం చేసుకుని పోస్టుమార్టం కోసం పంపారని, మరిన్ని వివరాలు తెలియాల్సి ఉన్నాయని అధికారులు తెలిపారు. గతంలో, బీజాపూర్‌తో సహా ఏడు జిల్లాలతో కూడిన రాష్ట్రంలోని బస్తర్ డివిజన్‌లో భద్రతా దళాలు, రోడ్డు కాంట్రాక్టర్లపై దాడులు చేయడం, పనిలో ఉపయోగించిన వాహనాలు, యంత్రాలను ధ్వంసం చేయడం ద్వారా నక్సల్స్ తరచుగా రోడ్డు నిర్మాణ పనులకు అంతరాయం కలిగించడానికి ప్రయత్నించారని పోలీసులు వెల్లడించారు.