1. మరోసారి ప్రేక్షకుల ముందుకు బాహుబలి
2. బాహుబలి ది ఎపిక్ పేరుతో విడుదల

గ్లోబల్ సెన్సేషన్ ఎస్ఎస్ రాజమౌళి(Rajamouli) దర్శకత్వంలో ప్రభాస్(Prabhas), రానా దగ్గుబాటి, అనుష్క శెట్టి, తమన్నా భాటియా నటించిన బ్లాక్ బస్టర్ మూవీ బాహుబలి(Baahubali ) పది సంవత్సరాలు పూర్తి చేసుకుంది. ఈ ప్రత్యేక రోజున, మేకర్స్ ఒక ఉత్తేజకరమైన ప్రకటనతో ముందుకు వచ్చారు. ఈ సినిమా ఫ్రాంచైజీలోని రెండు భాగాలు - బాహుబలి: ది బిగినింగ్, బాహుబలి: ది కన్‌క్లూజన్ మళ్ళీ తిరిగి విడుదల కానున్నాయి. కానీ ఆసక్తికరమైన విషయం ఏమిటంటే రెండు భాగాలు కలిపి ఒకే సినిమా - బాహుబలి: ది ఎపిక్(Baahubali The Epic)గా ఈ ప్రత్యేక చిత్రం అక్టోబర్ 31, 2025న పెద్ద ఎత్తున విడుదల చేస్తున్నట్లు  ఎస్ఎస్ రాజమౌళి బృందం ప్రకటించింది. ఈ సినిమా తిరిగి పెద్ద స్క్రీన్లలోకి వస్తుందని ఎదురుచూస్తున్న వారికి ఇది ఒక పెద్ద వార్త. ఈ సినిమాను తెలుగు, తమిళం, కన్నడ, మలయాళ భాషలలో ప్రపంచవ్యాప్తంగా విడుదల చేయడానికి ప్లాన్ చేస్తున్నారు.