పీవీఎన్‌ఆర్ ఎక్స్‌ప్రెస్‌వేపై రోడ్డు ప్రమాదం

హైదరాబాద్: మంగళవారం తెల్లవారుజామున పిల్లర్ నంబర్ 112 వద్ద మూడు కార్లు ఢీకొన్న ఘటనతో పీవీఎన్ఆర్ ఎక్స్‌ప్రెస్ హైవేపై(PVNR Express Highway) భారీ ట్రాఫిక్ జామ్ ఏర్పడింది. వాహనాలు ఒకదానికొకటి ఢీకొనడంతో, అనేక కిలోమీటర్ల మేర ట్రాఫిక్ జామ్ ఏర్పడినట్లు సమాచారం. ప్రమాదం జరిగిన వెంటనే ట్రాఫిక్ పోలీసులు సంఘటనా స్థలానికి చేరుకుని, వాహనాల రాకపోకలను నియంత్రించడానికి చర్యలు చేపట్టారు. కార్లలోని ప్రయాణికులకు స్వల్ప గాయాలయ్యాయి. క్షతగాత్రులను చికిత్స కోసం సమీపంలోని ఆసుపత్రికి తరలించారు. పోలీసు సిబ్బంది దెబ్బతిన్న వాహనాలను తొలగించి ట్రాఫిక్‌ను సులభతరం చేశారు. ప్రమాదానికి గల ఖచ్చితమైన కారణాన్ని వారు దర్యాప్తు చేస్తున్నారు.