మాజీ మంత్రి హరీష్ రావును సన్మానించిన సర్పంచ్ సంతోష్ యాదవ్

మర్రిగూడ (విజయక్రాంతి): మాజీ మంత్రి తన్నీరు హరీష్ రావు, మాజీ ఎమ్మెల్యే కూసుకుంట్ల ప్రభాకర్ రెడ్డిని యరగండ్లపల్లి సర్పంచ్ వల్లంల సంతోష్ యాదవ్ సోమవారం మర్రిగూడ మండల కేంద్రంలో ఘనంగా సన్మానించారు. నూతనంగా గ్రామపంచాయతీ ఎన్నికల్లో గెలుపొందిన బీఆర్ఎస్ సర్పంచులను హరీష్ రావు శాలువాతో సన్మానించి వారికి శుభాకాంక్షలు తెలిపారు. నిత్యం ప్రజాక్షేత్రంలో ఉంటూ గ్రామాల అభివృద్ధికి పాటుపడాలని నూతన సర్పంచులకు, వార్డు సభ్యులకు, నాయకులకు కార్యకర్తలకు దిశానిర్దేశం చేశారు. కార్యక్రమంలో మాల్ మార్కెట్ కమిటీ మాజీ చైర్మన్ దంటు జగదీశ్వర్, సర్పంచులు రొక్కం భాస్కర్ రెడ్డి, కమ్మ చిచ్చు వెంకటేష్, ఆంబోతు తులసీరామ్, నాయకులు కార్యకర్తలు పాల్గొన్నారు.