1 July, 2026 | 6:35 PM 
ప్రేమ శిల్పం
భార్యకు జుకర్బర్గ్ అపూర్వ కానుక
అమెరికా, ఆగస్టు 14: ఫేస్బుక్ సృష్టికర్త, మెటా అధినేత మార్క్ జుకర్బర్గ్ తన సతీమణి ప్రిస్కిలా చాన్పై తన ప్రేమను చాటుకున్నాడు. తన పనుల్లో ఎంత బిజీగా ఉన్నా పిల్లలతో సైతం ఆడుకుంటూ వారికి కోడింగ్ నేర్పిస్తున్న వీడియోలు వైర ల్ అవుతూనే ఉంటాయి. దీన్ని బట్టి కుటుంబానికి మార్క్ ఎంత విలువనిస్తారో అర్థం చేసుకోవచ్చు. ఈ క్రమంలోనే తన భార్యపై ఉన్న ప్రేమ ను చాటుకునేందుకు అపూర్వ కానుకను చాన్కు మార్క్ బహూకరించాడు.
రోమన్ సంప్రదాయంలో చాన్ విగ్రహాన్ని రూపొందించి ఆయన తన ఇంటి పెరట్లో ఆవిష్కరించాడు. నీలి రంగులో వెండి వస్త్రం పరిచినట్లు ఆ విగ్రహాన్ని తీర్చిదిద్దారు. ఈ సందర్భంగా ఎక్స్లో వ్యాఖ్యానిస్తూ భార్య విగ్రహాన్ని చెక్కే రోమన్ సంస్కృతిని తిరిగి తీసుకొచ్చామని రాసు కొచ్చారు. ఈ విగ్రహాన్ని రూపొందించిన డేనియల్ అర్షమ్కు కృతజ్ఞ తలు తెలిపారు. మార్క్ పోస్టుకు కామెంట్ చేస్తూ ఇక నన్నెప్పుడూ మీరు మిస్ కాలేరు అంటూ ప్రిస్కిలా అన్నారు. ఈ సంభాషణను చూసి మార్క్ దంపతుల ప్రేమను నెటిజన్లు మెచ్చుకుంటున్నారు.
