హైదరాబాద్: తెలంగాణ అంతటా శనివారం వరకు ఉరుములు, మెరుపులతో కూడిన భారీ వర్షాలు(Heavy Rains) కురుస్తాయని హైదరాబాద్ వాతావరణ కేంద్రం అంచనా వేసింది. శుక్రవారం, వరంగల్, మహబూబాబాద్, యాదాద్రి, నల్గొండ, నాగర్ కర్నూల్ జిల్లాల్లో భారీ వర్షాలు కురుస్తాయని అంచనా. శనివారం, హనుమకొండ, వరంగల్, రంగారెడ్డి, మహబూబ్ నగర్, నాగర్ కర్నూల్ జిల్లాల్లో భారీ వర్షాలు కురిసే అవకాశం ఉంది. గంటకు 30 నుండి 40 కి.మీ వేగంతో ఈదురుగాలులు వీచే అవకాశం ఉందని వాతావరణ శాఖ అనేక జిల్లాలకు ఎల్లో అలర్ట్ హెచ్చరికలు జారీ చేసింది.