- తీన్మార్ మల్లన్న

కీసర, నవంబర్ 30 (విజయక్రాంతి): తెలంగాణ రాజ్యాధికార పార్టీ   మేడ్చల్ మల్కాజ్గిరి జిల్లా అధ్యక్షులు పనగట్ల చక్రపాణిగౌడ్ ఆధ్వర్యంలో ఉప్పల్ , మేడ్చెల్ నియోజకవర్గాల నుండి బీసీ, ఎస్సీ, ఎస్టీ వర్గాలకు చెందిన పలువురు ముఖ్య నాయకులు, యువకులు  భారీ సంఖ్యలో తెలంగాణ రాజ్యాధికార పార్టీలో చేరారు. వీరిని టీఆర్పీ చీఫ్ తిన్మార్ మల్లన్న పార్టీ కండువా కప్పి సాదరంగా ఆహ్వానించారు.

ఈ సందర్భంగా తిన్మార్ మల్లన్న  మాట్లాడుతూ, పార్టీ బలోపేతానికి ప్రతీ ఒక్కరూ నిరంతరం కృషి చేయాలని, ముఖ్యంగా 2028లో బీసీల రాజ్యాధికారమే లక్ష్యంగా పనిచేయాలని పిలుపునిచ్చారు. అధికారం కేవలం కొందరికే పరిమితం కాకుండా, బడుగు, బలహీన వర్గాలకు రాజకీయాల్లో న్యాయమైన వాటా లభించాలనేదే తమ పార్టీ ఆశయమని ఆయన పునరుద్ఘాటించారు.

ఈ కార్యక్రమంలో టీఆర్పీ రాష్ట్ర ప్రధాన కార్యదర్శి గంగాధర్, మేడ్చల్ జిల్లా ప్రధాన కార్యదర్శి సంజీవతో పాటు బుయ్య వెంకటేష్, G.కృష్ణ కుమార్, అభిరామ్, కమలాకర్, శివ, మారుతి శ్రీనివాస్, సురేష్, బన్నాపురం నాగరాజు, సతీష్ కుమార్, లక్ష్మణ్, గణేష్, నర్సింగ్ రావు, సురేష్ బాబు, భరత్ తదితర నాయకులు, కార్యకర్తలు పాల్గొన్నారు. పార్టీలో చేరిన కొత్త నాయకులు రాబోయే రోజుల్లో బీసీల రాజ్యాధికారం లక్ష్యంగా పనిచేస్తామని హామీ ఇచ్చారు.