01-12-2025 12:00:00 AM
పాల్గొన్న మాజీ మంత్రి తన్నీరు హరీష్ రావు
నారాయణఖేడ్, నవంబర్ 30: నారాయణఖేడ్ నియోజకవర్గం లోని అనంత సాగర్ గ్రామంలో మల్లన్న జాతర ఉత్సవాలు ఆదివారం ఘనంగా జరిగాయి. ఈ సందర్భంగా ఆలయంలో ప్రత్యేక పూజాది కార్యక్రమాలు కొనసాగాయి. వివిధ ప్రాంతాలకు చెందిన ప్రజలు భక్తులు పెద్ద సంఖ్యలో హాజరై పాల్గొన్నారు. అనంతరం ఆలయ ఆవరణలో నిర్వహించిన బండి సిడి కార్యక్రమం భక్తులను ఎంతగానో ఆకట్టుకుంది.
ఉత్సవాల్లో పాల్గొన్న మాజీ మంత్రి హరీష్ రావు
జాతర ఉత్సవాల సందర్భంగా సిద్దిపేట ఎమ్మెల్యే మాజీ మంత్రి టి హరీష్ రావు, నారాయణఖేడ్ మాజీ ఎమ్మెల్యే ఏం. భూపాల్ రెడ్డి, హాజరై ఆలయంలో ప్రత్యేక పూజ కార్యక్రమాలు నిర్వహించారు. ఈ సందర్భంగా స్థానిక గ్రామస్తులు, ఆలయ కమిటీ నిర్వాహకులు వారికి ఘనం గా సన్మానించారు.కాగా నారాయణఖేడ్ ఎమ్మెల్యే పి. సంజీవరెడ్డి, రాష్ట్ర నాయకులు చంద్రశేఖర్ రెడ్డి కాంగ్రెస్ పార్టీ నాయకులు తదితరులు పెద్ద సంఖ్యలు హాజరై ఉత్సవాలు పాల్గొన్నారు.