మధుర: ఉత్తరప్రదేశ్ మధురలో తీవ్ర విషాదం చోటుచేసుకుంది. బంధువుల నిశ్చితార్థ వేడుకకు హాజరయ్యేందుకు వెళ్తున్న ముగ్గురు బంధువులు మోటార్ సైకిల్ కాలువలో పడి మృతి చెందినట్లు పోలీసులు సోమవారం తెలిపారు. ఆదివారం రాత్రి రాధాకుండ్‌లోని గోవర్ధన్ డ్రెయిన్ సమీపంలో ఈ సంఘటన జరిగింది. వేగంగా వెళ్తున్న మోటార్ సైకిల్ అదుపు తప్పి డ్రెయిన్‌లోకి దూసుకెళ్లింది. 20 ఏళ్ల వయసున్న ముగ్గురు వ్యక్తులు నీటిలో మునిగిపోయారని పోలీసులు తెలిపారు. సమాచారం అందుకున్న పోలీసులు ఘటనాస్థలికి చేరుకుని మృతదేహాలను పోస్టుమార్టం పరీక్ష కోసం మార్చురీకి పంపినట్లు అధికారులు తెలిపారు. రెయిలింగ్ లేకపోవడంతో యువకులు కాలువలో పడిపోయారని పోలీసులు పేర్కొన్నారు. యూపీ ముఖ్యమంత్రి యోగి ఆదిత్యనాథ్ ఈ సంఘటనపై తీవ్ర విచారం వ్యక్తం చేశారు. మృతుల కుటుంబాలకు తన సానుభూతిని తెలియజేశారు.