బలోడ్: ఛత్తీస్‌గఢ్‌లోని(Chhattisgarh) బలోడ్ జిల్లాలో మంగళవారం రైల్వే పట్టాలపై విశ్రాంతి తీసుకుంటుండగా గూడ్స్ రైలు ఢీకొనడంతో(Goods Train Collision) ఇద్దరు కార్మికులు మృతి చెందగా, మరో ఇద్దరు గాయపడ్డారని పోలీసులు తెలిపారు. దల్లిరాజ్రా -కుసుమ్కాసా స్టేషన్ల మధ్య తెల్లవారుజామున ఈ సంఘటన జరిగిందని అధికారి తెలిపారు. ప్రాథమిక సమాచారం ప్రకారం, బాధితులతో సహా దాదాపు 11 మంది కార్మికులు రైల్వే పట్టాలపై కాలినడకన కుసుంకాసా వైపు వెళ్తున్నారు. వారిలో ఐదుగురు విశ్రాంతి తీసుకోవడానికి పట్టాలపై కూర్చున్నారు.

ఆ సమయంలో ఒక గూడ్స్ రైలు అక్కడికి వచ్చిందని అధికారి తెలిపారు. వారిలో ఒకరు ఇతరులను అప్రమత్తం చేయమని అరచి తప్పించుకోగా, మరో నలుగురు రైలు ఢీకొట్టారని ఆయన అన్నారు. నలుగురిలో ఇద్దరు అక్కడికక్కడే మరణించారు. మృతులను దిల్లు రాయ్ (19), కృష్ణ (20)గా గుర్తించారు. గాయపడిన వారిని అజయ్ రాయ్, వికాస్ అమ్రాన్ లుగా గుర్తించారు. వీరందరూ జార్ఖండ్ కు చెందిన కార్మికులు, స్థానికులు అని అధికారి తెలిపారు. గాయపడిన వారిని జిల్లా ఆసుపత్రికి తరలించినట్లు ఆయన తెలిపారు. మృతదేహాలను పోస్ట్‌మార్టం కోసం పంపినట్లు, ఈ సంఘటనపై తదుపరి దర్యాప్తు జరుగుతోందని అధికారి తెలిపారు.