మానసిక వికాసం, కృతిమ మేధస్సుపై అవగాహన..

మానకొండూరు (విజయక్రాంతి): విద్యార్థులు కోడింగ్ కృత్రిమ మేధా నైపుణ్యాలు అలవర్చుకోవాలని ఆల్ ఇండియా పోలీస్ ట్రైనర్ మానసిక వికాస శిక్షకుడు డాక్టర్ విజయ రఘురామరాజు విద్యార్థులకు సూచించారు. శనివారం దేవంపల్లి సాంఘిక సంక్షేమ ప్రతిభ గురుకుల పాఠశాలలో విద్యార్థులు ఎలా లక్ష్యాలు ఏర్పరచుకోవాలి, ఆ లక్ష్యాలు సాధించడంలో మనం ఎలా కష్టపడాలి, విద్యార్థులు చదివే విధానంలో మెళకువలు, ఇతరులతో సరి పోల్చుకోకూడదని, గవర్నమెంట్ ఉద్యోగాలు ఎలా సాధించాలి, ఎలా చరిత్ర సృష్టించాలి, కమ్యూనికేషన్ స్కిల్స్ ఎలా పెంచుకోవాలి, గొప్పవాళ్ళ జీవిత చరిత్రను వివరిస్తూ విద్యార్థులకు అవగాహన కల్పించారు.

కృత్రిమ మేదస్సు నిపుణుడు, శిక్షకుడు జి అశోక్ విద్యార్థులకు కృత్రిమ మేధస్సుపై అవగాహన కల్పిస్తూ కృత్రిమ మేధస్సు యొక్క ఉపయోగాలు, అవి ఏఏ రంగాలలో ఉపయోగిస్తున్నారు, భవిష్యత్తులో ఎలాంటి ఉద్యోగ అవకాశాలు దీని ద్వారా పొందవచ్చును అని తెలియజేస్తూ, కోడింగ్, కృత్రిమ మేధా సదస్సు లాంటి నైపుణ్యాలు నేర్చుకోవాలని దీని ద్వారానే ఉద్యోగాలు భవిష్యత్తులో ఉంటాయని విద్యార్థుల్లో అవగాహన కల్పించారు. పాఠశాల ప్రధానాచార్యులు గోలి జగన్నాథం మాట్లాడుతూ మానసిక వికాస నిపుణుడు, కృత్రిమ మేధస్సు నిపుణులు చెప్పిన విషయాలు విద్యార్థులు పాటిస్తూ వారు అనుకున్న లక్ష్యాలను చేరుకోవాలని ఆకాంక్షించారు. ఈ అవగాహన కార్యక్రమంలో పాఠశాల ప్రధానాచార్యులు గోలి జగన్నాథం, వైస్ ప్రిన్సిపాల్ ఆది కొమురయ్య, జూనియర్ వైస్ ప్రిన్సిపాల్ ఎం. రేణుక అధ్యాపకులు శివప్రసాద్, మనోహర్, ఉపాధ్యాయ కార్యదర్శి నరసింహ చారి, కార్యాలయ పర్యవేక్షకులు గుర్రం శ్రీనివాస్, మరియు ఉపాధ్యాయ బృందం పాల్గొన్నారు.