హైదరాబాద్: తెలంగాణ రాష్ట్రంలో ఎడతెరిపి లేకుండా కురుస్తున్న వర్షాల(Heavy Rains) కారణంగా, ఆగస్టు 28-29 తేదీల్లో జరగాల్సిన డిగ్రీ, పీజీ పరీక్షలను(Exams) కాకతీయ విశ్వవిద్యాలయం(Kakatiya University) వాయిదా వేసినట్లు పరీక్షల కంట్రోలర్ ప్రొఫెసర్ రాజేందర్ కట్ల ఒక ప్రకటనలో తెలిపారు. మిగిలిన పరీక్షలు షెడ్యూల్ ప్రకారం జరుగుతాయి. వాయిదా వేసిన పరీక్షలకు కొత్త తేదీలను త్వరలో ప్రకటిస్తారు. అదేవిధంగా, శాతవాహన విశ్వవిద్యాలయం ఈరోజు జరగాల్సిన బీఈడీ, ఎంఈడీ పరీక్షలను వాయిదా వేసింది. రీషెడ్యూల్ చేసిన తేదీలను త్వరలో ప్రకటిస్తామని, మిగిలిన పరీక్షలు ప్రణాళిక ప్రకారం కొనసాగుతాయని విశ్వవిద్యాలయ అధికారులు తెలిపారు.