వేదిక ప్రాంగణం ప్రారంభం

ములకలపల్లి, మార్చి 16, (విజయక్రాంతి): విద్యార్థుల అవసరాన్ని గుర్తించిన తిమ్మంపేట గ్రామానికి చెందిన జలగం లీలా సంతోష్ కుమార్ తాండ్ర చంద్రమ్మ,తాండ్ర సుదర్శన్ రావు జ్ఞపాకర్థంగా సుమారు లక్షరూపాయల ఖర్చుతో పాఠశాల వేదిక ప్రాంగణం ఏర్పాటు చేశారు. ఈ వేదిక ప్రాంగణాన్ని తిమ్మంపేట సర్పంచ్ తుర్రం శ్రీనివాసరావు సోమవారం ప్రారంభించారు.

ఈ వేదిక ప్రాంగణం విద్యార్థులకు ఎంతో ప్రయోజనకరంగా ఉందని అన్ని విధాలుగా ఉపయోగపడుతుందని తెలిపారు.ఈ కార్యక్రమంలో కాంగ్రెస్ పార్టీ మండల అధ్యక్షులు తాండ్ర ప్రభాకర్ రావు, పాఠశాల ప్రధానోపాధ్యాయులు బి.శంకర్,గోపి, గుడ్ షేపర్డ్ సభ్యులు ఉదయ, విద్యాసాగర్, ఉపాధ్యాయులు నిర్మల, సురేష్, ప్రశాంత్, విద్యార్థినీ, విద్యార్థులు తల్లిదండ్రులు పాల్గొన్నారు.