పాఠశాలకు వెళ్లే రోడ్డుపై మురుగునీరు.. విద్యార్థుల అవస్థలు!

కోనరావుపేట నవంబర్ 7 (విజయక్రాంతి): కోనరావుపేట మండలం(Konaraopeta Mandal) కనగర్తి గ్రామంలోని ఎంపీపీఎస్, జెడ్పీహెచ్ఎస్ పాఠశాలలకు వెళ్లే రోడ్డుపై మురుగునీరు చేరడంతో విద్యార్థులు తీవ్ర ఇబ్బందులు ఎదుర్కొంటున్నారు. రోడ్డుపై మురుగునీరు నిలిచిపోవడంతో పాఠశాలలకు వెళ్లే విద్యార్థులు నానా అవస్థలు పడుతున్నారు. ఈ సమస్యపై గ్రామపంచాయతీ పాలకవర్గం పట్టించుకోవడం లేదని విద్యార్థులు, తల్లిదండ్రులు, గ్రామస్తులు ఆవేదన వ్యక్తం చేస్తున్నారు.

విద్యార్థుల ఆరోగ్యం, భద్రతను దృష్టిలో ఉంచుకుని గ్రామపంచాయతీ పాలకవర్గం వెంటనే స్పందించి మురుగునీటి సమస్యకు శాశ్వత పరిష్కారం చూపాలని విద్యార్థులు, తల్లిదండ్రులు, గ్రామస్తులు కోరుతున్నారు.