కోహ్లీని ఇంటర్వ్యూ చేసిన బుడతడు!..నాటి వీడియో నేడు

భారత మాజీ డాషింగ్ ఓపెనర్ వీరేంద్ర సెహ్వాగ్ తనయుడు ఆర్యవీర్ సెహ్వాగ్ అండర్-19 ఆసియా కప్‌లో అద్భుత శతకంతో క్రికెట్ అభిమానుల దృష్టిని ఆకర్షించాడు. యూఏఈపై 160 పరుగుల భారీ ఇన్నింగ్స్ ఆడటంతో పాటు, సుమారు పదేళ్ల క్రితం చిన్నారిగా విరాట్ కోహ్లీని ఇంటర్వ్యూ చేసిన పాత వీడియో (Viral Video) ఇప్పుడు సోషల్ మీడియాలో వైరల్‌గా మారింది.

ఒమన్‌లోని అల్ అమీరత్ వేదికగా యూఏఈతో జరిగిన కీలక పోరులో ఆర్యవీర్ అద్భుత బ్యాటింగ్‌తో ఆకట్టుకున్నాడు. తొలుత క్రీజులో నిలదొక్కుకునేందుకు సమయం తీసుకున్న అతడు.. ఆ తర్వాత ప్రత్యర్థి బౌలర్లపై విరుచుకుపడ్డాడు. మొత్తం 168 బంతులు ఎదుర్కొని 17 ఫోర్లు, 7 సిక్సర్లతో 160 పరుగులు సాధించాడు. ఈ ఇన్నింగ్స్‌తో తన బ్యాటింగ్ ప్రతిభను చాటుకున్నాడు (Under-19 Asia Cup).

మ్యాచ్ అనంతరం ఆర్యవీర్ మాట్లాడుతూ.. తన తండ్రి వీరేంద్ర సెహ్వాగ్‌కు భారీ సెంచరీ చేస్తానని మాటిచ్చినట్లు వెల్లడించాడు. ‘‘మా నాన్నకు ఎప్పుడూ భారీ శతకాలంటేనే ఇష్టం. సెంచరీ దాటిన స్కోర్లనే ఆయన గౌరవిస్తారు. అందుకే ఆయనకు ఓ పెద్ద సెంచరీ చేస్తానని చెప్పాను. ఈ రోజు ఆ మాట నిలబెట్టుకోవడం చాలా సంతోషంగా ఉంది’’ అని తెలిపాడు.

ఆర్యవీర్ అద్భుత ఇన్నింగ్స్ నేపథ్యంలో 2017లో స్టార్ స్పోర్ట్స్ ప్రసారం చేసిన ఓ పాత వీడియో (Virat Kohli Interview) మళ్లీ చర్చలోకి వచ్చింది. అప్పట్లో తొమ్మిదేళ్ల బాలుడిగా ఉన్న ఆర్యవీర్.. టీమిండియా మాజీ కెప్టెన్ విరాట్ కోహ్లీని ఇంటర్వ్యూ చేశాడు. ‘‘మీరు మా నాన్నను మొదటిసారి ఎప్పుడు కలిశారు?’’ అని అడగగా.. ఢిల్లీలో అండర్-17 క్రికెట్ ఆడుతున్న సమయంలో వీరేంద్ర సెహ్వాగ్‌ను కలిసినట్లు కోహ్లీ గుర్తుచేసుకున్నాడు.

ఈ సందర్భంగా కోహ్లీ ఆ చిన్నారికి ఓ విలువైన సలహా ఇచ్చాడు. ‘‘నేను ఏదైనా చేయగలనని నిన్ను నువ్వు నమ్ము. ఎల్లప్పుడూ సానుకూలంగా ఆలోచించు’’ అని సూచించాడు (Positive Thinking).

ప్రస్తుతం ఆర్యవీర్ ఆటతీరు చూస్తుంటే.. అప్పట్లో కోహ్లీ ఇచ్చిన సలహాను ఆచరణలో పెడుతున్నట్లు కనిపిస్తోంది. ఒకప్పుడు కోహ్లీని అభిమానంతో ఇంటర్వ్యూ చేసిన చిన్నారి.. ఇప్పుడు జూనియర్ క్రికెట్‌లో తనదైన ముద్ర వేస్తుండటం అభిమానులను ఆకట్టుకుంటోంది. ఈ టోర్నీ సెమీఫైనల్‌లో భారత్ అఫ్గానిస్థాన్‌తో తలపడనుంది. ఈ కీలక పోరులోనూ ఆర్యవీర్ తన ఫామ్‌ను కొనసాగిస్తాడా అనే ఆసక్తి నెలకొంది.

❤️ A special moment! Young Aaryavir Sehwag interviewing the legendary Virat Kohli. 🐐🏏 A future star asking questions to a cricketing legend! 🔥 https://t.co/kzHZE6PLaH

— matlabi duniya (@ManjeetSin32075) November 11, 2026