అస్సాం రైలు ప్రమాదానికి అసలు కారణమేంటి?.. వీడియో వైరల్

గువాహటి: అస్సాంలోని డిగారు రైల్వే స్టేషన్(Digaru Railway Station) సమీపంలో కోల్‌కతా–సైరాంగ్ ఎక్స్‌ప్రెస్(Kolkata-Sairang Express) పట్టాలు తప్పిన ఘటన కలకలం రేపింది. రైలు వేగాన్ని నియంత్రించే సమయంలో ఎమర్జెన్సీ బ్రేక్ పనిచేయకపోవడమే ప్రమాదానికి కారణమై ఉండొచ్చన్న అనుమానాలు వ్యక్తమవుతున్నాయి. అయితే ప్రమాదానికి అసలు కారణం ఇంకా అధికారికంగా నిర్ధారణ కాలేదు.

ఉదయం 6.54 గంటల సమయంలో ఈ ఘటన చోటుచేసుకున్నట్లు సమాచారం. మరో రైలుకు మార్గం కల్పించేందుకు ఎక్స్‌ప్రెస్‌ను వేరే ట్రాక్‌పైకి మళ్లిస్తున్న క్రమంలో వేగ నియంత్రణ సమస్య తలెత్తినట్లు ప్రాథమిక కథనాలు పేర్కొంటున్నాయి. ఈ ఘటనలో రైలు ఇంజిన్‌తో పాటు ఐదు బోగీలు పట్టాలు తప్పాయి.

ప్రమాదానికి ముందు లోకో పైలట్ ఎమర్జెన్సీ బ్రేక్‌తో పాటు ఇతర నియంత్రణ వ్యవస్థలను ఉపయోగించి రైలును ఆపేందుకు ప్రయత్నించినట్లు చెబుతున్నారు. ఈ క్రమానికి సంబంధించినదిగా పేర్కొంటున్న ఓ వీడియో సోషల్ మీడియాలో వైరల్ అవుతోంది. అందులో రైలు నియంత్రణపై లోకో పైలట్ ఆందోళన వ్యక్తం చేస్తున్నట్లు కనిపిస్తోంది. అయితే ఈ వీడియో ప్రామాణికత, అందులోని దృశ్యాల పూర్తి వివరాలు స్వతంత్రంగా నిర్ధారణ కావాల్సి ఉంది.

ఈ ప్రమాదంలో పలువురు ప్రయాణికులకు గాయాలైనట్లు సమాచారం. క్షతగాత్రులకు ప్రాథమిక వైద్యం అందించిన అనంతరం ప్రత్యామ్నాయ రైళ్ల ద్వారా వారి గమ్యస్థానాలకు పంపినట్లు తెలుస్తోంది. ఘటనపై నార్త్ ఈస్ట్ ఫ్రంటియర్ రైల్వే అధికారులు విచారణ ప్రారంభించారు. లోకో పైలట్ అందించిన సమాచారం, రైలు సాంకేతిక పరిస్థితులు, ట్రాక్ వివరాలు తదితర అంశాలను పరిశీలిస్తున్నారు. విచారణ పూర్తయిన తర్వాతే ప్రమాదానికి ఖచ్చితమైన కారణం వెల్లడయ్యే అవకాశం ఉంది.

*Indian Railways* At around 06:54 hrs on 11.11.2026, while Train No. 13125 Kolkata - Sairang Express was being received at Digaru Railway Station in Assam to give precedence to another train, *the Loco Pilot could not control the speed,* resulting in aderailment, https://t.co/mNwH9gqq3M

— Preeti Sompura (@sompura_preeti) November 11, 2026