పుట్టినరోజు వేడుకలో రౌడీ షీటర్‌పై దాడి

హైదరాబాద్:  హైదరాబాద్‌లోని మాదన్నపేటలో(Madannapet) శుక్రవారం రాత్రి పుట్టినరోజు వేడుకలో పాల్గొన్న రౌడీ షీటర్‌పై( Rowdy sheeter) ఇద్దరు వ్యక్తులు దాడి చేశారు. రెయిన్ బజార్ పోలీస్ స్టేషన్‌లో రౌడీ షీట్ నమోదైన బాధితుడు ఖిజార్ యాకుబి (30) మాదన్నపేటలోని ఒక ఇంట్లో జరిగిన పుట్టినరోజు పార్టీకి హాజరు కావడానికి వెళ్ళాడు. అతను అక్కడికి చేరుకున్నప్పుడు, ఇద్దరు గుర్తు తెలియని వ్యక్తులు అతనిపై పదునైన ఆయుధాలతో దాడి చేశారు. తీవ్రంగా గాయపడిన అతన్ని ఈ సంఘటన తర్వాత ఉస్మానియా జనరల్ హాస్పిటల్ (Osmania General Hospital)కి తరలించారు. అతను ప్రస్తుతం ఆసుపత్రిలో చికిత్స పొందుతున్నాడు. ఖిజర్ పై దాడి చేసిన తర్వాత దుండగులు అక్కడి నుంచి పారిపోయారు. స్థానికుల సమాచారంతో సంఘటనా స్థలానికి చేరుకున్న రీన్‌బజార్ పోలీసులు కేసు నమోదు చేసి దర్యాప్తు చేస్తున్నారు.