విమాన ప్రమాదంలో మహారాష్ట్ర డిప్యూటీ సీఎం మృతి.

బారామతి విమానాశ్రయం సమీపంలో కూలిన విమానం.

విమాన ప్రమాదంలో ఆరుగురు మృతి.

బారామతి (మహారాష్ట్ర): మహారాష్ట్ర ఉప ముఖ్యమంత్రి, నేషనలిస్ట్ కాంగ్రెస్ పార్టీ అధినేత అజిత్ పవార్(Ajit Pawar) బుధవారం ఉదయం విమాన ప్రమాదంలో మరణించారు. డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) ప్రకారం, ముంబై నుండి బారామతికి వెళ్తున్న చార్టర్డ్ విమానం ఉదయం 8:45 గంటలకు కూలినప్పుడు, అందులో ఉన్న సిబ్బందితో సహా ఐదుగురు మరణించారు.

ముంబై-బారామతి చార్టర్డ్ విమానం కూలిపోవడం బారామతిలోని రన్‌వే ప్రారంభంలో జరిగింది. పవార్‌తో పాటు ఒక పర్సనల్ సెక్యూరిటీ ఆఫీసర్ (పీఎస్‌ఓ), ఒక సహాయకుడు, ఇద్దరు సిబ్బందితో సహా మొత్తం ఐదుగురు విమానంలో ఉన్నారు. అజిత్ పవార్ జిల్లా పరిషత్ ఎన్నికల ప్రచార సభలో పాల్గొనడానికి బారామతికి ప్రయాణిస్తున్నారు. ఆయన మంగళవారం ముంబైలో ఉన్నారు. ముఖ్యమంత్రి దేవేంద్ర ఫడ్నవీస్ అధ్యక్షతన జరిగిన మహారాష్ట్ర క్యాబినెట్ మౌలిక సదుపాయాల కమిటీ సమావేశానికి హాజరయ్యారు.