కలెక్టర్ తేజస్ నందలాల్ పవార్    

సూర్యాపేట, జూన్ 16 (విజయక్రాంతి) : ప్రజావాణి కార్యక్రమంలో వచ్చిన దరఖాస్తులను వెంటనే పరిష్కరించాలని జిల్లా కలెక్టర్ తేజస్ నందలాల్ పవార్ అన్నారు. సోమవారం కలెక్టరేట్ సమావేశ మందిరంలో అన్ని శాఖల అధికారులతో ప్రజావాణి నిర్వహించి జిల్లాలోని వివిధ ప్రాంతాల నుండి వచ్చిన ప్రజల నుండి దరఖాస్తులు స్వీకరించారు.

ఈ సందర్భంగా ఆయన మాట్లాడుతూ ప్రజావాణిలో వచ్చిన దరఖాస్తుల పరిష్కారానికి అధికారులు ప్రత్యేక శ్రద్ధ తీసుకోవాలని ఆదేశించారు. ప్రజాభవన్ హైదరాబాద్ నుండి వచ్చిన  దరఖాస్తులను పరిశీలించి మూడు రోజులలో పరిష్కారం చూపాలన్నారు.

ప్రజావాణిలో 102 దరఖాస్తులు వచ్చాయని వాటిని సంబంధిత శాఖల అధికారులకు ఎండార్స్మెంట్ చేసినట్లు తెలిపారు. ఈ కార్యక్రమంలో  అదనపు కలెక్టర్ పి.రాంబాబు, డి ఆర్ డి ఓ వివి అప్పారావు, అన్ని శాఖల జిల్లా అధికారులు, తదితరులు పాల్గొన్నారు.