పాట్నా: ఈ ఏడాది చివర్లో జరుగనున్న బీహార్ ఎన్నికల(Bihar Elections) తరుణంలో నితీష్ కుమార్ ప్రభుత్వం కీలక నిర్ణయం తీసుకుంది. గతంలో రాష్ట్రం వెలుపలి మహిళలు కూడా ప్రభుత్వ ఉద్యోగాల్లో రిజర్వేషన్లకు అర్హులుగా ప్రకటించిన నితీష్ కుమార్ నేతృత్వంలోని బీహార్ ప్రభుత్వం(Bihar Government) మంగళవారం రాష్ట్రంలో శాశ్వత నివాసితులుగా ఉన్న మహిళలకు అన్ని రాష్ట్ర ప్రభుత్వ ఉద్యోగాలలో 35 శాతం రిజర్వేషన్లను ఆమోదించింది. ముఖ్యమంత్రి నితీష్ కుమార్(Chief Minister Nitish Kumar) అధ్యక్షతన జరిగిన మంత్రివర్గ సమావేశం(Cabinet Meeting)లో ఈ నిర్ణయం తీసుకున్నారు. ఇది 43 ఇతర కీలక ప్రతిపాదనలను కూడా ఆమోదించింది. బీహార్‌లోని అన్ని ప్రభుత్వ సర్వీసు కేడర్‌లలో ప్రత్యక్ష నియామకాలలో రాష్ట్రానికి చెందిన మహిళలు మాత్రమే 35 శాతం సమాంతర రిజర్వేషన్‌కు అర్హులు అని సమావేశం తర్వాత జరిగిన విలేకరుల సమావేశంలో ప్రధాన కార్యదర్శి ఎస్. సిద్ధార్థ్(General Secretary S. Siddharth) పేర్కొన్నారు.

ఈ నిర్ణయంతో ఇప్పుడు రాష్ట్రంలో శాశ్వత నివాసితులు మాత్రమే ప్రయోజనం పొందుతారు. రాష్ట్ర యువతకు సాధికారత కల్పించడం, ఉపాధి, నైపుణ్యాభివృద్ధికి వారి ప్రాప్యతను విస్తరించడం లక్ష్యంగా బీహార్ యువజన కమిషన్ ఏర్పాటుకు కూడా మంత్రివర్గం ఆమోదం తెలిపింది. ఈ నిర్ణయాన్ని ముఖ్యమంత్రి నితీష్ కుమార్ ఎక్స్ వేదికగా ప్రకటించారు. బీహార్ యువతకు గరిష్ట ఉపాధి అవకాశాలను అందించడం, వారికి శిక్షణ ఇవ్వడం, వారిని స్వావలంబన, సమర్థులుగా మార్చే లక్ష్యంతో రాష్ట్ర ప్రభుత్వం బీహార్ యువజన కమిషన్‌(Bihar Youth Commission)ను ఏర్పాటు చేయాలని నిర్ణయించిందని తెలియజేయడానికి తనకు సంతోషంగా ఉందన్నారు.

యువత అభివృద్ధికి సంబంధించిన అన్ని విషయాలపై ఈ కమిషన్ రాష్ట్ర ప్రభుత్వానికి సలహా సంస్థగా పనిచేస్తుందని తెలిపారు. విద్య, నైపుణ్య శిక్షణ, ఉపాధి అవకాశాలను పెంపొందించడానికి వివిధ విభాగాలతో సమన్వయం చేసుకుంటుందన్నారు. ఈ కమిషన్‌లో ఒక చైర్‌పర్సన్, ఇద్దరు వైస్-చైర్‌పర్సన్‌లు, ఏడుగురు సభ్యులు ఉంటారని నితీష్ కుమార్ వెల్లడించారు. బీహార్‌లోని ప్రైవేట్ రంగ ఉద్యోగాలలో రాష్ట్రంలోని స్థానిక యువతకు ప్రాధాన్యత ఇవ్వబడుతుందని కమిషన్ పర్యవేక్షిస్తుంది. అదే సమయంలో రాష్ట్రం వెలుపల చదువుతున్న, పనిచేస్తున్న వారి ప్రయోజనాలను కూడా కాపాడుతుంది" అని ముఖ్యమంత్రి స్పష్టం చేశారు.

యువతలో మద్యం, మాదకద్రవ్యాల దుర్వినియోగాన్ని నివారించడం వంటి సామాజిక సవాళ్లను పరిష్కరించడం ఈ కమిషన్ దృష్టి సాధిస్తుందన్నారు. ఇది తన విస్తృత ఆదేశంలో భాగంగా అటువంటి సవాళ్లపై ప్రభుత్వానికి క్రమం తప్పకుండా సిఫార్సులను సమర్పిస్తుందని ఆయన పేర్కొన్నారు. ఈ చొరవను దార్శనిక కార్యక్రమంగా అభివర్ణించిన నితీష్ కుమార్ బీహార్ యువతను నైపుణ్యం కలిగిన, స్వయం సమృద్ధి కలిగిన, ఉపాధికి సిద్ధంగా ఉంచడం, తద్వారా సురక్షితమైన భవిష్యత్తును నిర్ధారించడం దీని లక్ష్యం అని సీఎం తెలిపారు.