ఘట్ కేసర్, సెప్టెంబర్ 11 (విజయక్రాంతి) : అనురాగ్ విశ్వవిద్యాలయంలో గూగుల్ క్లౌడ్ మరియు హాక్2స్కిల్ సహకారంతో గూగుల్ ఆర్టిఫిషియల్ ఇంటలిజెన్స్ క్లౌడ్ బూట్క్యాంప్ను నిర్వహిస్తోంది. అనురాగ్ విశ్వవిద్యాలయం విద్యార్థులచే నడిచే ఇన్నోవేషన్ క్లబ్ అనురాగ్ హకోరియో ద్వారా, గూగుల్ క్లౌడ్ మరియు హాక్2స్కిల్ సహకారంతో గూగుల్ ఆర్టిఫిషియల్ ఇంటెలిజెన్స్ క్లౌడ్ బూట్క్యాంప్ను విజయవంతంగా నిర్వహించింది.

ఈకార్యక్రమం అనురాగ్ విశ్వవిద్యాలయం మరియు ఈప్రాంతంలోని ఇతర ప్రసిద్ధ సంస్థల నుండి విద్యార్థులను ఏజెంట్టిక్ ఆర్టిఫిషియల్ ఇంటలిజెన్స్ రంగంలో పూర్తి రోజు లీనమయ్యే అభ్యాసం కోసం ఒకచోట చేర్చింది. బూట్ క్యాంప్ రెండు సెషన్లలో నిర్వహించబడింది.  మొత్తం 400 మంది పాల్గొనేవారు. ప్రతి సెషన్లో 200 మంది విద్యార్థులు ఉన్నారు.

వీరిలో అనురాగ్ విశ్వవిద్యాలయం నుండి 100 మంది మరియు ఇతర కళాశాలల నుండి 100 మంది ఉన్నారు. దీనికి హాక్2స్కిల్ మద్దతు ఇచ్చింది. ఈకార్యక్రమంలో డీన్  ప్రొఫెసర్ వి. విజయ కుమార్, డీన్ సిఎస్‌ఇ ప్రొఫెసర్ జి. విష్ణుమూర్తి, ప్రోగ్రామ్ కోఆర్డినేటర్లు ప్రొఫెసర్ సిద్ధార్థ్ ఘోష్, డాక్టర్ తరానా సింగ్, అధ్యాపకులు మరియు విద్యార్థులు పాల్గొన్నారు.