కరుణాడ చక్రవర్తి శివరాజ్‌కుమార్, కన్నడ సూపర్ స్టార్ ఉపేంద్ర, రాజ్ బీ శెట్టి వంటి అగ్ర నటులతో అర్జున్ జన్య తెరకెక్కిస్తున్న చిత్రం ‘45 ది మూవీ’. ఈ సినిమాను సూరజ్ ప్రొడక్షన్స్ బ్యానర్‌పై ఉమా రమేశ్‌రెడ్డి, ఎం రమేశ్‌రెడ్డి నిర్మిస్తున్నారు. ఇప్పటివరకు ఈ చిత్రం నుంచి వచ్చిన పోస్టర్, గ్లింప్స్ ప్రేక్షకుల్లో హైప్‌ను పెంచేశాయి.

ఈ చిత్రం డిసెంబర్ 25న విడుదల కానుంది. తాజాగా ఈ మూవీ నుంచి ‘అఫ్రో టపాంగ్’ అనే ఓ సాంగ్‌ను చిత్రయూనిట్ రిలీజ్ చేసింది. ‘గెలుపు తలుపు దొరికే వరకు దిగులుపడకురా’ అంటూ సాగే ఈ పాటకు అర్జున్ జన్య ఇచ్చిన బాణీ చాలా విభిన్నంగా ఉంది. ఈ గీతానికి రోల్ రైడా తెలుగు సాహిత్యాన్ని అందించటమే కాకుండా వినాయక్‌తో కలిసి ఈ పాటను ఆలపించారు.

ఈ వీడియో సాంగ్‌లో ఆఫ్రికన్స్ వారితో కొరియోగ్రాఫర్ జానీ వేయించిన స్టెప్పులు అదిరిపోయాయి. ఇక ఈ పాటలో శివరాజ్‌కుమార్, ఉపేంద్ర, రాజ్ బీ శెట్టి క్రేజీగా కనిపిస్తున్నారు. ఈ సినిమాకు కథ, సంగీతం, దర్శకత్వం: అర్జున్ జన్య; డైలాగ్స్: అనిల్‌కుమార్; సినిమాటోగ్రాఫర్: సత్య హెగ్డే; ఎడిటర్: కేఎం ప్రకాశ్; స్టంట్స్: డాక్టర్ కే రవివర్మ, జాలీ బాస్టియన్, డిఫరెంట్ డానీ చేతన్ డిసౌజా.