ఇటీవల ‘మార్గన్’ అనే చిత్రంలో ప్రేక్షకుల ముందుకొచ్చారు హీరో విజయ్ ఆంటోనీ. ఇప్పుడాయన మరో పవర్‌ఫుల్ ప్రాజెక్ట్ ‘భద్రకాళి’తో వస్తున్నారు. విజయ్ ఆంటోనీ నటిస్తున్న 25వ సినిమా ఇది. అలా ఆయనకు మైల్‌స్టోన్ మూవీగా నిలిచే ఈ చిత్రానికి అరుణ్ ప్రభు దర్శకత్వం వహించారు. సర్వంత్ రామ్ క్రియేషన్స్ బ్యానర్‌పై రామాంజనేయులు జవ్వాజీ నిర్మిస్తున్నారు. విజయ్ ఆంటోనీ ఫిల్మ్ కార్పొరేషన్, మీరా విజయ్ ఆంటోనీ సమర్పకులుగా వ్యవహరిస్తున్న ఈ సినిమా సెప్టెంబర్ 19న విడుదల కానుంది. ఈ సందర్భంగా నిర్మాత రామాంజనేయులు జవ్వాజీ సినిమా విశేషాలను విలేకరులతో పంచుకున్నారు. 

-విజయ్ ఆంటోనీ నేను ఎప్పటినుంచో మంచి మిత్రులం. విజయ్ ఆంటోనీ ఫిలిం ఫ్యాక్టరీ, మా బ్యానర్ సర్వంత్ రామ్ క్రియేషన్స్ కలిపి కొన్ని సినిమాలు చేయాలని ప్రయాణం మొదలుపెట్టాం. ‘మార్గన్’ మంచి విజయాన్ని అందుకుంది. ఇప్పుడు భద్రకాళి సెప్టెంబర్ 19 రిలీజ్ కాబోతుంది.

-ఇటీవలే ‘బూకి’ అనే సినిమాని మొదలుపెట్టాం. మలయాళంలో ఒక సినిమా చేస్తున్నాం. అది చివరి దశకు వచ్చింది. మా రెండు బ్యానర్లలో ఇంకొన్ని సినిమాలు కూడా చర్చల్లో ఉన్నాయి. త్వరలోనే వాటి గురించి అనౌన్స్ చేస్తాం. ‘బిచ్చగాడు’ డైరెక్టర్ శశి, విజయ్ ఆంటోని కాంబోలో ఒక భారీ ప్రాజెక్టు ఉంటుంది. త్వరలో అది కూడా ప్రకటిస్తాం. మేము.. విజయ్ ఆంటోని కలవడం వల్ల బ్యాక్‌టుబ్యాక్ సినిమాలో చేస్తున్నాం. మా నుంచి వరుసగా సినిమాలు రాబోతున్నాయి.

-డైరెక్టర్ అరుణ్‌ప్రభు కథ చెప్పారు.. చాలా బాగుంది. ఆయన అంతకుముందు తీసిన రెండు సినిమాలు కూడా చాలా అద్భుతంగా ఉంటాయి. ‘భద్రకాళి’కి అరుణ్‌బాబు ఒక బ్యాక్ బోన్. ఈ సినిమాలో మంచి ఎంటర్‌టైన్‌మెంట్‌తోపాటు ప్రేక్షకులను ఆలోచింపచేసే అంశాలు కూడా ఉన్నాయి. సినిమా అంత అద్భుతానికి రావడానికి డైరెక్టర్ విజన్ కారణం. తమిళ్, తెలుగు, కన్నడ, హిందీలో ఒకేసారి రిలీజ్ చేస్తున్నాం. 

భద్రకాళి అనే టైటిల్ పెట్టాం.. సరిగ్గా దసరా శరన్నవరాత్రుల సమయంలోనే ఈ సినిమా రావడం కలిసి వచ్చిందని ‘మార్గన్’నున రిలీజ్ చేసిన మా డిస్ట్రిబ్యూటర్స్ చెప్పారు. మార్గన్ కంటే ఈ సినిమాకు 20 శాతం థియేటర్లు పెరిగే అవకాశం ఉందని కూడా అన్నారు. వారు ఆ మాట చెప్పడం నాకు చాలా ఆనందాన్నిచ్చింది.  

-పొలిటికల్ బ్యాక్‌డ్రాప్‌లో చాలా సినిమాలు వచ్చాయి. కానీ, ఈ సినిమాలో హీరో చేసిన క్యారెక్టర్‌తో ఇప్పటివరకు ఎలాంటి సినిమా రాలేదు. చాలా డిఫరెంట్ క్యారెక్టర్. -సినిమాలో చాలా మంచి స్ట్రాంగ్ ఎలిమెంట్స్ ఉన్నాయి. ప్రేక్షకులకు కచ్చితంగా కనెక్ట్ అవుతాయి. సమాజంలో జరుగుతున్న విషయాల్ని బేస్ చేసుకుని తీసిన సినిమా. అందరూ పర్సనల్‌గా కనెక్ట్ అవుతారు. సినిమా మొదలైన రెండు నిమిషాల్లోనే ప్రేక్షకులు కథలో లీనమైపోతారు. -చాలా గ్రిప్ ఉన్న స్టోరీ. ఇందులో ప్రతి సీన్ ప్రేక్షకులనున హత్తుకుంటుంది. ప్రారంభం నుంచి ఆఖరి వరకు ఎక్కడా బోర్ కొట్టదు. 

-తెలుగులో సత్యదేవ్‌తో ‘ఫుల్ బాటిల్’ అనే సినిమా చేస్తున్నాం. అది పూర్తయి, విడుదలకు సిద్ధంగా ఉంది. నవంబర్‌లో రిలీజ్ చేయాలని ప్లాన్ చేస్తున్నాం.