ముంబై: ముంబైలోని ఛత్రపతి శివాజీ మహారాజ్ టెర్మినస్(Chhatrapati Shivaji Maharaj Terminus) నుండి థానేలోని కసారా ​​ప్రాంతం వైపు వెళ్తున్న లోకల్ రైలు నుంచి పడి ఐదుగురు ప్రయాణికులు మృతి చెందారు. పుష్పక్ ఎక్స్‌ప్రెస్‌లోంచి 12 మంది ప్రయాణికులు పడిపోయినట్లు సమాచారం.  రైలు లోపల రద్దీ ఎక్కువగా ఉండటం వల్లే ప్రజలు కంపార్ట్‌మెంట్ నుండి పడిపోయారని అధికారులు భావిస్తున్నారు. పుష్పక్ ఎక్స్‌ప్రెస్‌ నుంచి జారిపడిన వారిలో ఐదుగురు ప్రాణాలు కోల్పోయారు.

పుష్పక్ ఎక్స్ ప్రెస్(Pushpak Express) లక్నో వెళ్తుండగా దివా- ముంబ్రా స్టేషన్ల మధ్య ఈ ఘటనచోటుచేసుకుంది. ప్రయాణికులు రద్దీ ఎక్కువగా ఉండటం వల్ల తలుపులకు వేలాడుతూ ప్రయాణిస్తున్నారు. రైల్వే అధికారులు సంఘటనా స్థలానికి చేరుకుని గాయపడిన వారిని సమీపంలోని ఆసుపత్రికి తరలించారు. ఈ సంఘటనపై దర్యాప్తు జరుగుతోంది. పుష్పక్ ఎక్స్‌ప్రెస్ కళ్యాణ్ జంక్షన్‌లో ఆగుతుంది. రద్దీ ఎక్కువగా ఉండటం వల్ల, రోజువారీ ప్రయాణికులు, స్థానిక రైళ్లలో రద్దీ కారణంగా, ఈ మెయిల్ రైలు ఎక్కి సీఎస్టీకికి ప్రయాణిస్తారు. మృతి చెందిన ప్రయాణికుల పరిస్థితి ఇంకా తెలియలేదని అధికారులు వెల్లడించారు.