ప్రస్తుత కాలంలో పెళ్లి తర్వాత బంధాలు బలహీనంగా మారుతున్నాయి. ఇలాంటి తరుణంలో రిలేషన్ షిప్‌పై దృష్టి పెట్టాల్సిన అవస రం ఉంది. రిలేషన్‌షిప్‌లో ఎప్పుడైనా పరస్పర గౌరవం, నమ్మకం, ప్రేమ, భావోద్వేగంపై దృష్టి పెట్టాలి. ఇద్దరి మధ్య నమ్మకం, కమ్యూనికేషన్ చాలా అవసరం. ముఖ్యంగా అర్థం చేసుకోవడం, అవగాహన, నిబద్ధత ద్వారా బంధం బలపడుతుంది. ఏదైనా దాచుకోకుండా బహిరంగంగా నిజాయితీతో కూడిన సంభాషణ.. ఒకరినొకరు లోతుగా అర్థం చేసుకోవడానికి సహాయపడుతుంది.

ఆలోచననలు, భావాలు, ఆకాంక్షలను ఒకరినొకరు పంచుకోవాలి. ఇద్దరి మధ్య రిలేషన్‌షిప్ బలంగా ఉండాలంటే సమయాన్ని కేటాయించుకోవాలి. మంచి క్షణాలు శాశ్వత జ్ఞాపకాలను సృష్టిస్తాయి. భావోద్వేగ బంధాన్ని బలోపేతం చేస్తాయి. రిలేషన్‌షిప్‌లో భావాలను అర్థం చేసుకోవడం, ఒకరినొకరు గౌరవించుకోవడం చాలా ముఖ్యం.

భాగస్వామి ప్రయత్నాలను ప్రోత్సహించడం, ప్రశంసలు తెలపడం.. భావోద్వేగ మద్దతు, లక్ష్యాలు, ఆకాంక్షలను ఏర్పరచుకోవడం బంధాన్ని బలోపేతం చేస్తాయి. ముఖ్యంగా బంధంలో మార్పును స్వీకరించాలి. తప్పు చేస్తే క్షమాపణలు కోరాలి. ఆలోచనాత్మకమైన విధంగా విలువలతో కలిసిమెలసి ఉండటం ద్వారా రిలేషన్‌షిప్ మరింత బలపడుతుంది.