ట్రాఫిక్ క్లియర్ చేస్తున్న పోలీసు అధికారులు

చిట్యాల,(విజయక్రాంతి): హైదరాబాద్-విజయవాడ జాతీయ రహదారి 65పై చిట్యాల, పెద్దకాపర్తి గ్రామాల వద్ద ఫ్లైఓవర్ నిర్మాణ పనులు జరుగుతున్న నేపథ్యంలో చిట్యాల వద్ద భారీగా ట్రాఫిక్ రద్దీ ఏర్పడగా ఆదివారం వాహనాలు బారులు తీరాయి. సంక్రాంతి పండగ సెలవులు ముగియడంతో స్వగ్రామాలకు వెళ్లిన ప్రజలు  హైదరాబాద్ కు తిరిగి ప్రయాణం కాగా చిట్యాల వద్ద భారీగా వాహనాల రద్దీ ఏర్పడింది.

దీంతో పోలీసులు కట్టుదిట్టమైన ఏర్పాట్లు చేసి కొన్ని వాహనాలను వలిగొండ, భువనగిరి మీదుగా హైదరాబాద్ కు మళ్ళించారు. దీంతో చిట్యాల వద్ద ట్రాఫిక్ నియంత్రణ లోకి వచ్చింది. వాహనాలు రద్దీ పెరగకుండా పోలీస్ యంత్రాంగం కట్టుదిట్టమైన చర్యలు ఏర్పాటు చేసింది. 65వ నెంబర్ జాతీయ రహదారి పై  ప్రయాణికులకు ఎటువంటి ఇబ్బంది లేకుండా నల్గొండ జిల్లా పోలీస్ శాఖ ఆధ్వర్యంలో వాహనాల  రద్దీ నివారణ కోసం ట్రాఫిక్ వివిధ మార్గాల ద్వారా మళ్లిస్తున్నారు.

ఈ ట్రాఫిక్ మళ్లించడంతో చిట్యాల వద్ద ఫ్లైఓవర్ నిర్మాణ పనులు జరుగుతున్న ప్రాంతంలో గతంలో కంటే భారీగానే ట్రాఫిక్ తగ్గింది. నిర్మాణ పనులు జరుగుతున్న ప్రాంతంలో ట్రాఫిక్ ఎక్కువ అయినప్పుడు ఆ ట్రాఫిక్ ను రామన్నపేట, వలిగొండ భువనగిరి మార్గాల మీదుగా దారి మలిస్తున్నారు. దారి మళ్ళించడంతోపాటు పాటు పోలీస్ అధికారులు నిరంతరం పర్యవేక్షణ చేస్తూ ప్రతి ఒక్క వాహనదారునికి సూచనలు అందిస్తూ వారిని సురక్షితంగా గమ్యస్థానాలకు చేరే విధంగా చర్యలు చేపడుతున్నారు.