కాసిపేట పోలీస్ స్టేషన్ డీసీపీ భాస్కర్ విజిట్

బెల్లంపల్లి అర్బన్,(విజయక్రాంతి): బెల్లంపల్లి సబ్ డివిజన్ పరిధిలోని  కాసిపేట  పోలీస్ స్టేషన్ ను మంచిర్యాల డీసీపీ ఎ భాస్కర్ శనివారం ఆకస్మికoగా సందర్శించారు. డీసీపీ భాస్కర్ మంచిర్యాల నుంచి నేరుగా కాసిపేట  పోలీస్ స్టేషన్ కీ వచ్చారు. బెల్లంపల్లి ఏసీపీ రవి కుమార్ తో కలిసి ఆయన పోలీస్ స్టేషన్ విజిట్ చేశారు. డీసీపీ భాస్కర్  ముందుగా పోలీస్ స్టేషన్ పరిసరాలను పరిశీలించారు. ఈ సందర్భంగా ఎస్సై ప్రవీణ్ కుమార్ ను సిబ్బంది వివరాలు, పోలీస్ స్టేషన్ పరిధి బౌగోలిక పరిస్థితులను అడిగి తెలుసుకున్నారు. పోలీస్ స్టేషన్ పరిధి గ్రామాల్లో ఎలాంటి నేరాలు అధికంగా జరుగుతున్నాయనే తదితర అంశాలను అడిగి తెలుసుకున్నారు. పోలీస్ స్టేషన్ రికార్డ్స్, సిబ్బంది విధుల గురించి  వాకబ్ చేశారు. అనంతరం పోలీస్ సిబ్బందికి పలు సూచనలు చేశారు.