రెండు నెలలుగా ఖాళీగా కోదాడ రూరల్ సీఐ పోస్టు

కోదాడ, మార్చి 3 : కోదాడ రూరల్ సర్కిల్ ఇన్స్పెక్టర్ (సీఐ) పదవి రెండునెలలుగా ఖాళీగా ఉండటం స్థానికంగా చర్చనీయాంశంగా మారింది. గతంలో సీఐగా ఉన్న ప్రతాప్ లింగం సస్పెండ్ కావడంతో ప్రస్తుతం ఇన్చార్జ్ అధికారి ఆధ్వర్యంలోనే వ్యవహారాలు కొనసాగుతున్నాయి.పలు గ్రామాలు, సున్నిత ప్రాంతాలు ఉన్న ఈ పరిధిలో పూర్తి స్థాయి సీఐ లేకపోవడంతో కేసుల దర్యాప్తు, శాంతిభద్రతల పర్యవేక్షణపై ప్రభావం పడుతున్నట్టు సమాచారం.

ఇటీవల చోరీలు, భూవివాదాలు పెరుగుతున్న నేపథ్యంలో శాశ్వత నియామకం అత్యవసరమని ప్రజలు కోరుతున్నారు. రెండు నెలలు గడిచినా అధికారిక ప్రకటన రాకపోవడంపై ప్రశ్నలు తలెత్తుతున్నాయి. తక్షణమే శాశ్వత సీఐని నియమించాలని స్థానికులు కోరుతున్నారు.