కొచ్చి: సేవ్ బాక్స్ పెట్టుబడి కుంభకోణానికి సంబంధించి ఎన్‌ఫోర్స్‌మెంట్ డైరెక్టరేట్ (Enforcement Directorate) సోమవారం మలయాళ నటుడు జయసూర్యను(Malayalam actor Jayasurya) విచారించింది. కేంద్ర దర్యాప్తు సంస్థ చేపట్టిన విచారణలో భాగంగా మలయాళ నటుడు జయసూర్య కేరళలోని కొచ్చిలో ఎన్‌ఫోర్స్‌మెంట్ డైరెక్టరేట్ (ED) ముందు హాజరయ్యారని అధికారిక వర్గాలు తెలిపాయి. ఆ నటుడు తన భార్యతో కలిసి, ఫారిన్ ఎక్స్ఛేంజ్ మేనేజ్‌మెంట్ యాక్ట్ (ఫెమా) కేసు దర్యాప్తులో భాగంగా ఆ ఏజెన్సీ జోనల్ కార్యాలయాన్ని సందర్శించినట్లు తెలిసిందని అధికారులు తెలిపారు. 47 ఏళ్ల జయసూర్య మలయాళ చిత్ర పరిశ్రమలో నిర్మాత కూడా వ్యవహరిస్తున్నారు.