హైదరాబాద్: భద్రాద్రి కొత్తగూడెం జిల్లాలోని అల్లపల్లి మండలం భూసరాయ్ గ్రామంలో గురువారం ఒక వ్యక్తిని చేతబడి చేశాడనే అనుమానంతో(Black Magic Suspicion ) గ్రామస్తులు కొట్టి చంపారు. మంగళవారం ఉదయం ఒక మహిళ ఆకస్మికంగా మరణించిన తర్వాత, బాధితుడు మడకం బీడ అలియాస్ రాజు (35)పై తోటి గ్రామస్తులు దాడి చేశారు. రాజు చేసిన చేతబడి ఆమె మరణానికి కారణమని నమ్మి, స్థానికులు కొందరు అతనిపై దాడి చేయడంతో అతను అక్కడికక్కడే మరణించాడు. సమాచారం అందుకున్న సర్కిల్ ఇన్‌స్పెక్టర్ బత్తుల సత్యనారాయణ, సబ్-ఇన్‌స్పెక్టర్ సోమేశ్వర్ గ్రామానికి చేరుకుని సంఘటనపై దర్యాప్తు ప్రారంభించారు.