వలిగొండ (విజయక్రాంతి): యాదాద్రి భువనగిరి జిల్లా కలెక్టరేట్ లో గురువారం జాతీయ చేనేత దినోత్సవం జౌళి శాఖ సంచాలకులు ఏడి శ్రీనివాసరావు ఆధ్వర్యంలో నిర్వహించారు. ఈ సందర్భంగా చేనేత అభివృద్ధికి పాటుపడిన జాతీయ పద్మ అవార్డు గ్రహీత, జాతీయ మహాకవి నన్నయ్య అవార్డు గ్రహీత పారుపల్లి నరసింహను జిల్లా కలెక్టర్ హనుమంతరావు(District Collector Hanumantha Rao) శాలువాతో సన్మానించి మెమొంటో అందజేశారు. ఈ సందర్భంగా కలెక్టర్ హనుమంతరావు మాట్లాడుతూ, చేనేత అభివృద్ధి ఎంతో అద్భుతమైనదని ప్రతి ఒక్కరు చేనేత ఉత్పత్తులను ప్రోత్సహించాలని అన్నారు.