హైదరాబాద్‌: రామంతపూర్‌లోని గోకుల్ నగర్‌లో శ్రీ కృష్ణ జన్మాష్టమి శోభాయాత్ర సందర్భంగా జరిగిన విషాద సంఘటన తానను తీవ్ర దిగ్భ్రాంతికి గురిచేసిందని ఐటీ శాఖ మంత్రి దుద్దిళ్ల శ్రీధర్ బాబు(Minister Duddilla Sridhar Babu) అన్నారు. ఆరుగురు విలువైన ప్రాణాలను కోల్పోవడం, అనేక మంది గాయపడటం చాలా హృదయ విదారకమన్నారు. మృతుల కుటుంబాలకు నా హృదయపూర్వక సంతాపాన్ని తెలియజేస్తున్నానని, ఈ క్లిష్ట సమయంలో ప్రభుత్వం వారికి అండగా ఉంటుందని.. సాధ్యమైన ప్రతి సహాయాన్ని అందిస్తుందని వారికి హామీ ఇచ్చారు. ఈ సంఘటన చాలా దురదృష్టకరం.. సమగ్రమైన విచారణ నిర్వహించాలని సంబంధిత అధికారులకు ఆదేశాలు జారీ చేశారు.

నిర్లక్ష్యం లేదా లోపాలకు బాధ్యులెవరైనా జవాబుదారీగా ఉండాలని.. తదనుగుణంగా కఠిన చర్యలు తీసుకుంటామని అన్నారు. ఇలాంటి విషాదాలు పునరావృతం కాకుండా అన్ని ప్రజా సమావేశాలలో భద్రతా ప్రమాణాలపై ప్రత్యేక శ్రద్ధ వహించాలని అధికారులకు సూచించారు. గాయపడిన వారిని మంత్రి శ్రీధర్ బాబు పరామర్శించారు. అలాగే మృతుల కుటుంబాలకు రూ. 5 లక్షల నష్టపరిహారం ప్రకటించారు. గాయపడిన వారికి సాధ్యమైనంత ఉత్తమమైన వైద్య అందించబడుతోందని అన్నారు. వారి పరిస్థితిపై క్రమం తప్పకుండా నవీకరణలు నిశితంగా పరిశీలించబడుతున్నాయని, వారు వేగంగా కోలుకోవడమే అత్యంత ప్రాధాన్యం అని తెలిపారు.