సనత్‌నగర్,(విజయక్రాంతి): మెరుగైన వైద్యం కోసం అవసరమైన సహాయ సహకారాలు అందించేందుకు తాను ఎల్లప్పుడూ అందుబాటులో ఉంటానని మాజీమంత్రి, సనత్ నగర్ ఎమ్మెల్యే తలసాని శ్రీనివాస్ యాదవ్ చెప్పారు. సనత్ నగర్ లోని SRT కి చెందిన హేమలత కు చికిత్స నిమిత్తం ముఖ్యమంత్రి సహాయ నిధి నుండి రూ.3.50 లక్షల ఆర్ధిక సహాయం మంజూరు కాగా,

బుధవారం వెస్ట్ మారేడ్ పల్లి లోని క్యాంప్ కార్యాలయంలో లబ్ధిదారురాలి కుమార్తెకు అందజేశారు. హేమలత గత కొంతకాలంగా క్యాన్సర్ తో బాధపడుతుండగా, ఎమ్మెల్యే తలసాని శ్రీనివాస్ యాదవ్ చొరవతో ఆర్ధిక సహాయం మంజూరైనది. కార్యక్రమంలో సనత్ నగర్ డివిజన్ బి ఆర్ ఎస్ పార్టీ అధ్యక్షుడు కొలన్ బాల్ రెడ్డి, హేమలత సోదరుడు సుభాష్, మురళి తదితరులు ఉన్నారు.