న్యూఢిల్లీ: మహారాష్ట్రకు చెందిన ఒక యువకుడిని హత్య చేసిన కేసులో ప్రమేయం ఉన్న ఇద్దరు మావోయిస్టులను(Maoists) జాతీయ దర్యాప్తు సంస్థ (National Investigation Agency ) అరెస్టు చేసిందని అధికారులు శనివారం తెలిపారు. ఆ యువకుడు పోలీసులకు సమాచారం ఇచ్చేవాడని వారు అనుమానించారు. నిషేధిత సీపీఐ (మావోయిస్ట్) ఉగ్రవాద సంస్థకు చెందిన ఈ ఇద్దరినీ తెలంగాణలోని నిజామాబాద్ జిల్లాకు చెందిన రఘు అలియాస్ ప్రతాప్, మహారాష్ట్రలోని గడ్చిరోలి జిల్లాకు చెందిన శంకర్ మహాకాగా గుర్తించినట్లు తెలిపారు. పోలీస్ ఇన్ఫార్మర్ అని, రాష్ట్రీయ స్వయంసేవక్ సంఘ్ (ఆర్‌ఎస్‌ఎస్) సభ్యుడని అనుమానంతో, బాధితుడైన దినేష్ పుసు గవాడేను నవంబర్ 2023లో గడ్చిరోలిలో సీపీఐ (మావోయిస్ట్) సభ్యులు కిడ్నాప్ చేసి దారుణంగా హత్య చేశారని ఎన్‌ఐఏ జారీ చేసిన ఒక ప్రకటనలో తెలిపింది.