వలిగొండ (విజయక్రాంతి): వినాయక చవితి సందర్భంగా భక్తులు ఏర్పాటుచేసిన గణేష్ విగ్రహాలు నిమజ్జనం చేసే అక్క చెల్లెల చెరువు స్థలాన్ని బుధవారం స్థానిక అధికారులు పరిశీలించారు. ఈ సందర్భంగా నిమజ్జనోత్సవం ప్రాంతంలో డోజర్ తో చదును చేసి భారీకేడ్లను, ఫ్లడ్ లైట్లను ఏర్పాటు చేసేందుకు చర్యలు ప్రారంభించారు. ఈ సందర్భంగా వారు మాట్లాడుతూ, నిమజ్జోత్సవాన్ని భక్తులు ప్రశాంతంగా జరుపుకోవాలని ఎటువంటి అవాంఛనీయ సంఘటనలు చోటుచేసుకోకుండా నిర్వాహకులు చర్యలు తీసుకోవాలని అన్నారు. ఈ కార్యక్రమంలో ఎంపీడీవో జలంధర్ రెడ్డి, ఎస్ఐ యుగేందర్ గౌడ్, కార్యదర్శి నాగరాజు, బిల్ కలెక్టర్ బాబు పాల్గొన్నారు.