వాషింగ్టన్: భారత్-రష్యా చమురు ఒప్పందాలపై(India-Russia oil deal) అమెరికా అధ్యక్షుడు డొనాల్డ్ ట్రంప్(US President Donald Trump) మరోసారి మండిపడ్డారు. రష్యా చమురు కొనుగోళ్లు కొనసాగిస్తే సుంకాలు పెంచుతామని హెచ్చరించారు. ప్రధాని నరేంద్ర మోదీ(Prime Minister Narendra Modi) చాలా మంచి వ్యక్తి అని ట్రంప్ పేర్కొన్నారు. తాను సంతోషంగా లేనని ప్రధాని మోదీకి తెలుసన్నారు. తనను సంతోషపెట్టడం భారత్ కు చాలా ముఖ్యమని ట్రంప్ స్పష్టం చేశారు.

రష్యా నుండి ఇంధన కొనుగోళ్లు దేశీయ ఇంధన భద్రతకు అవసరమని భారతదేశం సమర్థించుకుంటున్నప్పటికీ, న్యూఢిల్లీకి రష్యాతో ఉన్న ఇంధన వాణిజ్యంపై వాషింగ్టన్‌లో నిఘా పెరుగుతున్న నేపథ్యంలో ట్రంప్ హెచ్చరిక చేశారు. సుంకాలకు సంబంధించిన ఉద్రిక్తతలు కొనసాగుతున్నప్పటికీ, ద్వైపాక్షిక వాణిజ్య సంబంధాలలో పురోగతిని కొనసాగించాల్సిన ప్రాముఖ్యతను ఇద్దరు నాయకులు నొక్కి చెప్పిన కొన్ని వారాల తర్వాతే ట్రంప్ ఈ వ్యాఖ్యలు చేయడం గమనార్హం. 

దీర్ఘకాలంగా కొనసాగుతున్న వాణిజ్య ప్రతిష్టంభనను పరిష్కరించడానికి భారత, అమెరికా అధికారుల మధ్య కొత్త విడత చర్చలు ప్రారంభమైన సమయంలోనే ఈ ఫోన్ కాల్ జరిగింది. ఈ ఏడాది ప్రారంభంలో చర్చలు మొదలైనప్పటికీ, అమెరికా భారతీయ దిగుమతులపై 50 శాతం వరకు సుంకాలు విధించడంతో వాటికి అంతరాయం ఏర్పడింది. ఇటీవల, భారతదేశంలోని అమెరికా రాయబార కార్యాలయం కూడా సుదీర్ఘ వాణిజ్య ఒప్పంద చర్చల మధ్య ప్రధాని మోడీని ట్రంప్ ప్రశంసించిన మాటలను ఉటంకించింది. 

సోషల్ మీడియా పోస్ట్‌లో, ట్రంప్ భారతదేశాన్ని ఒక అద్భుతమైన దేశంగా అభివర్ణించారు. వెనిజువెలాపై అమెరికా దాడి చమురు సమస్యను మరోసారి భౌగోళిక రాజకీయాల కేంద్ర బిందువుగా మార్చింది. వెనిజువెలా వద్ద భారీ చమురు నిల్వలు ఉన్నాయి. వాటి మొత్తం 303 బిలియన్ బ్యారెళ్లకు పైగా ఉంది. ఇవి ప్రపంచంలోనే అతిపెద్ద నిరూపిత నిల్వలుగా నిలుస్తున్నాయి. అయితే, అమెరికా ఆంక్షలు, పెట్టుబడుల కొరత కారణంగా ఉత్పత్తి రోజుకు 10 లక్షల బ్యారెళ్లకు పడిపోయింది. వెనిజులా ప్రపంచంలోనే అతిపెద్ద నిరూపిత చమురు నిల్వలను కలిగి ఉందన్న విషయం తెలిసిందే.