న్యూఢిల్లీ: ఎయిర్ ఇండియా ఫ్లైట్ AI171 విషాదకరమైన ప్రమాదంపై రాష్ట్రపతి ద్రౌపది ముర్ము, ఉప రాష్ట్రపతి జగదీప్ ధంఖర్ గురువారం తీవ్ర విచారం వ్యక్తం చేశారు. దీనిని హృదయ విదారక విపత్తు అని అభివర్ణించిన వారు బాధిత కుటుంబాలకు తమ సంతాపాన్ని తెలియజేశారు. అహ్మదాబాద్‌లో జరిగిన విషాద విమాన ప్రమాదం గురించి తెలిసి తను చాలా బాధపడ్డానని, ఇది హృదయ విదారకమైన విపత్తు. వర్ణించలేని ఈ దుఃఖంలో దేశం వారితో నిలుస్తుందని రాష్ట్రపతి ముర్ము సోషల్ మీడియా ప్లాట్‌ఫామ్ ఎక్స్ లో పోస్ట్ చేశారు. రాష్ట్రపతి జగదీప్ ధంఖర్ కూడా ఎక్స్ లో తన సంతాపాన్ని ప్రకటిస్తూ ఇలా అన్నారు. అహ్మదాబాద్‌లో చోటు చేసుకున్న దురదృష్టకర సంఘటన మనల్ని వినాశకరమైన మానవ విషాదాన్ని ఎదుర్కొనేలా చేసింది. ఈ దుఃఖ సమయంలో దేశం వారికి సంఘీభావంగా నిలుస్తుందని పేర్కొన్నారు.

అహ్మదాబాద్‌లోని సర్దార్ వల్లభాయ్ పటేల్ అంతర్జాతీయ విమానాశ్రయం నుండి లండన్‌లోని గాట్విక్ విమానాశ్రయానికి బయలుదేరిన ఎయిర్ ఇండియా విమానం AI171 టేకాఫ్‌ అయిన కొద్దిసేపటికే ఈ ప్రమాదం జరిగింది. 242 మంది ప్రయాణికులు, సిబ్బందితో ప్రయాణిస్తున్న విమానం మేఘనినగర్ ప్రాంతం సమీపంలో కూలిపోవడంతో నివాసితులలో తీవ్ర భయాందోళనలు నెలకొన్నాయి. అత్యవసర బృందాలు వెంటనే చుట్టుపక్కల రోడ్లను మూసివేసి, ఎటువంటి ఆటంకాలు లేకుండా రక్షణ, వైద్య కార్యకలాపాలను నిర్ధారించడానికి చర్యలు చేపట్టాయి. ప్రస్తుతం శోధన, పునరుద్ధరణ, చికిత్స ప్రయత్నాలు కొనసాగుతున్నాయి.